12:30, 07 - شىلدە 2020 | GMT +6
قازاقستاندا پنيەۆمونيامەن قانشا ادام اۋرۋحانادا جاتىر
نۇر- سۇلتان. قازاقپارات - قازاقستاندا پنيەۆمونياعا شالدىققان ناۋقاستاردىڭ 98,9 پايىزىنىڭ جاعدايى ورتاشا اۋىر، دەپ حابارلايدى قازاقپارات ءتىلشىسى.
«بىزدەن پنيەۆمونيا ستاتيستيكاسى تۋرالى ءجيى سۇرايدى. بۇگىنگى كۇنى ەل بويىنشا ستاتسيونارلاردا پ ت ر- تەست ناتيجەسى (كوروناۆيرۋسقا) تەرىس، پنيەۆمونيامەن 28 مىڭ پاتسيەنت ەم الۋدا. ناۋقاستاردىڭ 98,9 پايىزىنىڭ جاعدايى ورتاشا اۋىر دەپ باعالانادى. سولاردىڭ ىشىندە 330 پاتسيەنتتىڭ جاعدايى اۋىر. ودان باسقا ستاتسيونارلاردا ك ۆ ي بويىنشا پ ت ر- تەست ناتيجەسى تەرىس جرۆي نەمەسە باسقا تۇماۋ اۋرۋلارى بار دەگەن دياگنوزبەن 4 مىڭنان استام ادام ەمدەلۋدە»،- دەدى ق ر دەنساۋلىق ساقتاۋ ۆيتسە- ءمينيسترى اجار عينيات و ك ق- دا وتكەن باسپا ءسوز ءماسليحاتىندا.
ونىڭ ايتۋىنشا، بۇگىنگى تاڭدا بارلىق ەمحانالار، جەدەل جاردەم جانە اۋرۋحانالار مەديتسينالىق كومەكتى ۇيىمداستىرۋ شارالارىن قارقىندى جۇرگىزىپ جاتىر.