اپتا سوڭىنا دەيىن ءدارى- دارمەككە قاتىستى دۇربەلەڭدى توقتاتامىز

«ءارقايسىسىمىزدا ءدارىحانادان ءدارى- دارمەك تابا الماۋ، قىمباتتاتىپ ساتۋ، تانىس ارقىلى ساتىپ الۋ جاعدايىنا تاپ بولعان تۋىس، تانىسىمىز بار. كەيبىر ازامات ءدارى- دارمەكتەردى الدىن الا ساتىپ الىپ، قىمباتتاتىپ ساتۋدا. بۇگىننەن باستاپ وسىنداي فاكتىلەردى انىقتاپ، مونيتورينگ جۇرگىزەمىز. جۇمىس توبىندا دەنساۋلىق ساقتاۋ باسقارمالارى، باسەكەلەستىكتى قورعاۋ جانە دامىتۋ كوميتەتىنىڭ دەپارتامەنتتەرى بولادى» - دەدى «ادالدىق الاڭى» رەسپۋبليكالىق جوبالىق كەڭسەنىڭ جەتەكشىسى تولەگەن بايعۇلوۆ تىكەلەي ەفير بارىسىندا.

ونىڭ ايتۋىنشا، جۇمىس توبى ءدارى- دارمەك باعاسىنا مونيتورينگ جۇرگىزەدى. «ءدارىنى قىمباتقا قاي ءدارىحانادان، قانداي باعاعا العانى تۋرالى فوتو جانە ۆيدەو تۇرىندەگى اقپاراتتى WhatsApp ارقىلى بىزگە جىبەرۋگە بولادى.

«ءار وڭىردە ادالدىق الاڭى بار. كەلگەن اقپارات قاي وڭىرگە قاتىستى بولسا، سول وڭىردەگى جەمقورلىققا قارسى قىزمەتكە جىبەرىپ، تەكسەرۋ جۇمىستارىن جۇرگىزىپ، سەبەبىن انىقتايمىز. وسى اپتا سوڭىنا دەيىن ءبارىن قالىپقا كەلتىرەمىز، سايكەسىنشە دۇربەلەڭ دە سونىمەن توقتايدى. جۇمىستى بۇگىن باستايمىز» ، - دەيدى ول.

ەسكە سالايىق، ق ر پرەزيدەنتى ءدارى- دارمەك باعاسىن نەگىزسىز قىمباتتاتۋ فاكتىلەرىن انىقتاۋدى تاپسىرعان بولاتىن.