ۋحان زەرتحاناسىنىڭ باسشىسى كوروناۆيرۋستىڭ تاراۋىنا قاتىستى پىكىر ءبىلدىردى

None
None
نۇر-سۇلتان. قازاقپارات - ۋحان قالاسىنداعى ۆيرۋستىق زەرتحانانىڭ ديرەكتورى، پروفەسسور يۋان چجيمين كوروناۆيرۋس ينفەكتسياسىنىڭ تاراۋىنا قاتىستى پىكىر ءبىلدىردى، دەپ حابارلايدى Daily Mail.

عالىمنىڭ ايتۋىنشا، ونىڭ رۇقساتىنسىز زەرتحاناعا «ماسا دا ۇشىپ كىرە المايدى»، سەبەبى، مەكەمەدە قاۋىپسىزدىك شارالارى قاتاڭ ساقتالادى.

«كەيبىر ادام ءبىز جانۋارلاردى ساتۋ ءۇشىن ولارعا تاجىريبە جاسايمىز نەمەسە جانۋارلار زەرتحانادان قاشىپ كەتەدى دەپ بولجام جاساعان كەزدە ولار وسى جەردەگى قۇرالدار جانە ءبىزدىڭ زەرتحانانىڭ جۇمىسى تۋرالى بىلمەگەن. ءتىپتى، ەشبىر قىزمەتكەر وسى جەردەن ءبىر تامشى سۋدى دا الىپ كەتە المايدى»، - دەيدى پروفەسسور مەملەكەتتىك CGTN تەلەارناسىنا بەرگەن سۇحباتىندا.

قىتاي عىلىم اكادەمياسى جانىنداعى بيولوگيالىق قاۋىپسىزدىك جونىندەگى ۋحان ۇلتتىق زەرتحاناسى P4 دەگەن اتاۋمەن تانىمال. مۇندا 1,5 مىڭنان استام قاۋىپتى ۆيرۋستىڭ شتاممى بار. مىسالى، مۇندا ەبولا بەزگەگىنىڭ شتاممى ساقتالعان.

ايتا كەتەيىك، وسىعان دەيىن ۇلى بريتانيالىق ب ا ق 2020-جىلى قىتايدا گەنەتيكالىق جاعىنان SARS- CoV-2-گە ۇقساس ۆيرۋس تارالۋى مۇمكىن دەگەن ماقالا جاريالاعان بولاتىن.

سوڭعى جاڭالىقتار