قاسىم- جومارت توقايەۆ ەلباسىن مەرەيتويىمەن قۇتتىقتادى

دەپ حابارلايدى قازاقپارات elbasy.kz-كە سىلتەمە جاساپ.

قاسىم- جومارت توقايەۆ ەلباسىنىڭ قازاقستاننىڭ دامۋىنا قوسقان ەرەكشە ۇلەسى مەن ءرولىن اتاپ ءوتتى.

- بۇگىن تاريحي كۇن - ەلباسىمىزدىڭ 80 جىلدىعى. ول - قازاق حالقىنىڭ ۇلى قايراتكەرى، ۇلى پەرزەنتى. بۇكىل الەم سولاي دەپ سانايدى. ەلباسى شىن مانىسىندە ۇلى ادام، ءبىز بۇل تۋرالى ايتۋىمىز كەرەك. ءاربىر حالىق ءوزىنىڭ كورنەكتى تۇلعالارىمەن تانىمال جانە ءاربىر حالىق ءوزىنىڭ تاريحي قايراتكەرلەرىمەن ماقتانۋى كەرەك، - دەدى مەملەكەت باسشىسى.

سونىمەن بىرگە قازاقستان پرەزيدەنتى نۇرسۇلتان نازاربايەۆتىڭ جوعارى حالىقارالىق بەدەلىن دە اتاپ ءوتتى.

- نۇرسۇلتان نازاربايەۆ زاماناۋي مەملەكەت قۇردى، الەم كارتاسىندا قازاقستاننىڭ شەكاراسىن شەگەندەدى. بۇل تۋرالى ءبىزدىڭ ەلباسىمىزعا قوڭىراۋ شالىپ، قۇتتىقتاپ جاتقان الەمنىڭ بارلىق كورنەكتى ساياساتكەرلەرى ايتىپ جاتىر. 80 جاس - ءار ادامنىڭ ومىرىندەگى ماڭىزدى كەزەڭ. مەن نۇرسۇلتان نازاربايەۆقا ۇزاق عۇمىر تىلەيمىن. ەلباسىنىڭ الداعى ۋاقىتتا دا ءبىزدىڭ حالقىمىزعا، مەملەكەتىمىزگە ۇلكەن پايدا اكەلەتىنىنە سەنىمدىمىن»، - دەدى قاسىم- جومارت توقايەۆ.