ساعىنتايەۆ: الماتىدا ەپيدەميولوگيالىق جاعداي كۇردەلى، ءبىراق باقىلاۋدا

باقىتجان ساعىنتايەۆتىڭ ايتۋىنشا، مەملەكەت باسشىسىنىڭ تاپسىرماسىنا وراي ەلىمىزدە ەنگىزىلگەن ەكى اپتالىق شەكتەۋگە بايلانىستى ەكى كۇننەن بەرى جۇمىس جۇرگىزىلىپ جاتىر. مەملەكەتتىك كوميسسيانىڭ شەشىمىنە سايكەس، ءبىرقاتار كاسىپورىن جۇمىسىن توقتاتتى.

«ونىڭ دەنى شاعىن جانە ورتا بيزنەسكە بايلانىستى. جالپى، 680 مىڭعا جۋىق جۇمىس ورنىنىڭ قىزمەتى توقتاتىلدى»، - دەيدى قالا باسشىسى.

سونىمەن قاتار، ول قالاداعى ەپيدەميولوگيالىق احۋالعا توقتالدى. «ەپيدەميولوگيالىق جاعدايعا كەلەر بولساق، جاعداي باقىلاۋدا، ءبىراق كۇردەلى. جالپى، وڭىردە 6202 ۆيرۋس جۇقتىرۋ جاعدايى تىركەلگەن. كۇندەلىكتى ءوسىم % 1,1، ونىڭ ىشىندە سىرقاتتانعانداردىڭ نەگىزگى بولىگى جۇمىسقا قابىلەتتى تۇرعىندار (%82). ىندەتتەن 2485 ادام جازىلىپ شىقسا، 26 ادام كوز جۇمعان. 6 - شىلدەدە انىقتالعان ناۋقاستار سانى - 113، رەانيماتسيادا 64 ناۋقاس جاتىر. اۋرۋدىڭ اۋىرلىق دارەجەسىنە نازار سالار بولساق، جاعدايى اسا اۋىر ناۋقاستار سانى – 24، وسىنداي ناۋقاستار سانى ارتا تۇسۋدە. 1264 ناۋقاستىڭ جاعدايى ورتاشا اۋىر جانە 135 ناۋقاستىڭ جاعدايى قاناعاتتانارلىق دەڭگەيدە»، - دەدى باقىتجان ساعىنتايەۆ.

اۆتور: الما مۇقانوۆا