بەيجىڭدە كوروناۆيرۋستىڭ تارالۋى باسەڭدەدى

None
None
بەيجىڭ. قازاقپارات - قىتاي استاناسى - بەيجىڭ قالاسىنىڭ 6 شاعىن اۋدانىندا ەپيدەميولوگيالىق قاتەر دەڭگەيى ورتاشادان تومەنگە دەيىن باسەڭدەدى. دەگەنمەن، قالادا كوروناۆيرۋستىڭ تارالۋىنا قاتىستى ەپيدەميولوگيالىق تاۋەكەل دەڭگەيى جوعارى قالىپ وتىرعان ءبىر ەلدى مەكەن بار، دەپ حابارلايدى «قازاقپارات» ح ا ا مەنشىكتى ءتىلشىسى.

سوڭعى رەسمي دەرەكتەرگە سايكەس، بەيجىڭدە كوروناۆيرۋس تارالۋىنىڭ 22 «ورتاشا تاۋەكەل ايماعى» قالىپ وتىر. وتكەن جەكسەنبى كۇنى بەيجىڭ ۇكىمەتىنىڭ باسپا ءسوز حاتشىسى سيۋي حەتسزيان استانادا COVID-19 كوروناۆيرۋس ينفەكسياسىننىڭ الدىن الۋ جانە باقىلاۋ سالاسىنداعى جالپى جاعداي تۇراقتالىپ جاقسارعانىن اتاپ وتكەن بولاتىن. دەگەنمەن، ونىڭ ايتۋىنشا، ىندەتتىڭ تارالۋ قاۋپى ءالى دە بار. ءبىراق، ول باقىلاناتىن شەكتە تۇر.

بەيجىڭ اۋرۋلاردى باقىلاۋ جانە الدىن الۋ ورتالىعىنىڭ مالىمەتتەرىنە قاراعاندا، 11 - ماۋسىمنان باستاپ 4 - شىلدەگە دەيىنگى ارالىقتا قالادا كوروناۆيرۋس جۇقتىرۋدىڭ ناقتىلانعان جاڭا 334 جاعدايى تىركەلگەن. ونىڭ 47 پايىزى «سينفادي» كوتەرمە بازارى قىزمەتكەرلەرىنىڭ اراسىنان شىعىپ وتىر. بەيجىڭ بيلىگىنىڭ كوروناۆيرۋس تاسىمالداۋشىلارمەن بايلانىستى ادامدارعا قاتاڭ باقىلاۋ جۇرگىزىپ وتىرعاندىعىنا قاراماستان ولاردىڭ كەيبىرى وقشاۋلانۋ ەرجەسىن بۇزىپ، ۆيرۋستىڭ تارالۋىن قاۋپىن ارتتىرا تۇسۋدە. ال بۇل مۇنداي وقيعالاردى ەپيدەميولوگيالىق تەرگەۋگە جۇمىلدىرىلعان بەيجىڭ قىزمەتتەرىنە جۇكتەمەنى ارتتىراتىندىعى بەلگىلى.

ايتالىق، وتكەن اپتادا بەيجىڭدە وقشاۋلانۋ ەرەجەسىن بۇزعان جاس قىزعا بايلانىستى وقيعا قوعامدا ۇلكەن نارازىلىق تۋىنداتقان بولاتىن. كەيىننەن ول بويجەتكەننەن كوروناۆيرۋس ينفەكسيا تابىلعان ەدى. ەپيدەميولوگيالىق تەرگەۋ بارىسىندا اتالعان قىزبەن تىعىز بايلانىستا بولعان 200-دەن استام انىقتالدى. ولاردىڭ 66-سى مەديتسينا قىزمەتكەرلەرى، 47- ءسى ساۋدا ۇيلەرىنىڭ ءبىرىنىڭ قىزمەتكەرلەرى، 15- ءى تاكسي جۇرگىزۋشىسى ەكەندىگى بەلگىلى. قازىرى ۋاقىتتا بويجەتكەنمەن بايلانىستا بولعان ادامداردىڭ ءبارى وقشاۋلانىپ، مەديتسينالىق باقىلاۋعا الىنعان.

جەكسەندى، 5 - شىلدە كۇنى ىشكى موڭعوليا اۆتونومدى اۋدانىنىڭ بايان- نۋر قالالىق وكرۋگىنىڭ دەنساۋلىق ساقتاۋ ءىسى جونىندەگى كوميتەتى اتالعان وكرۋگتە وبا ىندەتىنىڭ تارالۋ قاۋپىنە بايلانىستى 3-دەڭگەيلى ەرتە ەسكەرتۋ رەجيمىن جاريا ەتكەن بولاتىن. بۇل رەجيم 2020 -جىلدىڭ سوڭىنا دەيىن قولدانىستا بولادى. بايان- نۋرا مەديتسينالىق بيلىگىنىڭ مالىمەتتەرىنە سايكەس، سەنبى، 4 - شىلدە كۇنى جەرگىلىكتى اۋرۋحاناعا بەز ءتۇيىنى وباسىنا شالدىعۋ كۇدىگىمەن ءبىر پاتسيەنت تۇسكەن. وسىعان بايلانىستى بايان- نۋر اكىمشىلىگى جەرگىلىكتى تۇرعىنداردى جەكە گيگيەنانى ساقتاۋعا وبانىڭ تابيعي وشاقتارىنا جولاماۋعا، وباعا ءتان سيمپتومدار بىلىنگەن جاعدايدا مەديينالىق كومەككە جۇگىنۋگە شاقىرىپ وتىر.

اۆتور: مارلان جيەمباي

سوڭعى جاڭالىقتار