ءسابينا التىنبەكوۆا يتاليالىق كلۋبقا اۋىستى

None
None
نۇر- سۇلتان. قازاقپارات - قازاقستاندىق ۆولەيبولشى ءسابينا التىنبەكوۆا سپورتتاعى جولىن يتاليالىق «ۆولالتو كازەرتا» كومانداسىندا جالعاستىرادى، دەپ حابارلايدى Sports.kz.

كلۋب ءوزىنىڭ رەسمي سايتىندا سپورتشى قىزبەن ەكى جىلعا كەلىسىمجارت جاساعانىن جاريالادى. كەلەسى ماۋسىمدا «ۆولالتو كازەرتا» يتاليانىڭ نەگىزگى ايەلدەر ليگاسى – 1a سەرياسىندا وينايدى. ءسابينا التىنبەكوۆا ويىن الاڭىندا ونەر كورسەتكەنىمەن قويماي، كوماندانىڭ وزىندىك «بەت- بەينەسىنە» اينالادى. ياعني، كلۋب باسپا ءسوز قىزمەتىنىڭ مالىمەتىنشە، قازاقستاندىق سپورتشىنىڭ الەۋمەتتىك جەلىلەردەگى اۋديتورياسىنىڭ كوپتىگى كلۋبقا قولايلى بولىپ تۇر.


ەسكە سالا كەتەيىك، ءسابينا التىنبەكوۆا سوڭعى جىلدارى بىرىككەن اراب امىرلىكتەرىنىڭ «ءال- ۆاسل» كومانداسىندا ويناعان بولاتىن. سوندا ءجۇرىپ جاراقات الىپ، ماۋسىمنىڭ ءبىراز بولىگىندە جارىستارعا قاتىسا المادى. ال وعان دەيىن سپورتشى قىز «الماتى» جانە جاپوندىق GSS Sunbeams كوماندالارىندا ونەر كورسەتكەن.

اۆتور: جانات قاپالبايەۆا


سوڭعى جاڭالىقتار