جامبىل وبلىسىنداعى جاڭا جاعدايلار: ناۋقاس ىندەتتى پويىزدا جۇقتىرعان

«الدىن الا مالىمەت بويىنشا، 1961, 1963, 1973 جانە 1985 -جىلى تۋعان ازاماتتاردىڭ ۆيرۋس جۇقتىرۋىنا ولارمەن تىعىز بايلانىستا بولعان ىندەتكە شالدىققان ناۋقاس سەبەپ بولعان. بەسىنشى ناۋقاس - 1966 -جىلعى مويىنقۇم اۋدانىنىڭ تۇرعىنى. 28 - ناۋرىز كۇنى «كوكشەتاۋ- قىزىلوردا» پويىزىندا كوروناۆيرۋس ينفەكسياسىن جۇقتىرعان اداممەن بايلانىستا بولعان. قىزىلوردا وبلىستىق سانيتارلىق- ەپيدەميولوگيالىق قىزمەتىنەن وسى اقپاراتتى العاننان سوڭ، ول جەدەل تۇردە كارانتيندىك ستاتسيونارعا وقشاۋلاندىرىلدى. لابوراتوريالىق تالداۋ COVID-2019 دياگنوزىن راستادى» ، - دەلىنگەن اقپاراتتا.

ءمالىم ەتىلگەندەي، ناۋقاستانعان ازاماتتارمەن بايلانىستا بولعان 54 ادام انىقتالىپ، كارانتينگە جاتقىزىلدى.

«لابوراتوريالىق زەرتتەۋگە ماتەريالداردى ىرىكتەۋ جۇمىسى ءجۇرىپ جاتىر. سانيتارلىق- ەپيدەميولوگيالىق قىزمەت ىندەت جۇقتىرعاندار مەن بايلانىستا بولعانداردىڭ تۇرعىلىقتى مەكەنجايى مەن بارعان جەرلەرىنە دەزينفەكسيا جاسادى» ، - دەلىنگەن رەسمي حابارلامادا. جالپى جامبىل وبلىسىندا كوروناۆيرۋس ىندەتىن جۇقتىرۋدىڭ 45 وقيعاسى تىركەلدى. ونىڭ ىشىندە 11 ادام شەكارا پۋنكتتەرىنەن وتكەن كەزدە انىقتالسا، 6 ناۋقاس دەليدەن كەلگەن رەيس جولاۋشىلارى. تارازدا – 5، قورداي اۋدانىندا – 18، مەركىدە – 2، شۋ، جامبىل جانە مويىنقۇم اۋداندارىندا 1 ادامنان تىركەلدى.