پرەزيدەنت ەلوردا مەن وڭىرلەرگە ازىق-تۇلىك جەتكىزەتىن كولىك-لوگيستيكالىق ورتالىقتىڭ جۇمىسىمەن تانىستى

«Continental Logistics» كولىك- لوگيستيكالىق ورتالىعىنا بارىپ، ەلوردا مەن وڭىرلەرگە ازىق- تۇلىك جەتكىزۋ جۇمىستارىمەن تانىستىم. ەلىمىز الەۋمەتتىك ماڭىزى بار تاۋارلارمەن تولىق قامتاماسىز ەتىلگەن. جالپى سوماسى 14,8 ميلليارد تەڭگە بولاتىن مەملەكەتتىك قور قالىپتاسۋدا»، - دەپ جازدى قاسىم-جومارت توقايەۆ Twitter - دەگى پاراقشاسىندا.

پرەزيدەنت توتەنشە جاعداي كەزىندە ازىق-تۇلىكتىڭ جەتكىزىلۋىنە ەرەكشە كوڭىل ءبولۋ كەرەكتىگىن ايتتى. «ۇكىمەت جانە اكىمدىكتەر تۇراقتاندىرۋ قورلارىن تولىقتىرىپ، ازىق- تۇلىك باعاسىنا مونيتورينگ جۇرگىزۋى كەرەك. ت ج كەزىندە ازىق- تۇلىكتىڭ جەتكىزىلۋىنە ەرەكشە كوڭىل بولگەن ءجون. الىپساتارلىق پەن دۇربەلەڭگە جول بەرىلمەيدى. الەۋمەتتىك ماڭىزى بار تاۋارلاردىڭ «شەكتى باعاسى» ساقتالۋعا ءتيىس»، - دەدى قاسىم-جومارت توقايەۆ.