كوروناۆيرۋس تارالاۋىنىڭ جولدارى ايتىلدى

None
None
الماتى. قازاقپارات - ا ق ش-تىڭ ۇلتتىق دەنساۋلىق ينستيتۋتىنىڭ جۇقپالى اۋرۋلار ءبولىمىنىڭ جەتەكشىسى ەنتوني فاۋچي كوروناۆيرۋستىڭ ادامنان ادامعا سويلەگەن كەزدە جانە قالىپتى تىنىس الۋ كەزىندە تارالاتىنىن ايتتى.

بۇل تۋرالى MedicalXpress پورتالىندا جاريالاندى.

مامان نەگىزىنەن اۋرۋ قوزدىرعىشى سىرقاتتانعان ادام تۇشكىرگەن نە جوتەلگەن ۋاقىتتا ءجيى تارالاتىنىن ايتادى. ينفەكسيانىڭ تارالۋ قاشىقتىعى ءبىر مەتردى قۇرايدى ەكەن. ال ۆيرۋس قالىپ قويعان اۋامەن تىنىس العان ادام مىندەتتى تۇردە ىندەتتى جۇقتىرادى دەيدى ساراپشى. سول سەبەپتى ماسكا كيىپ جۇرگەن دۇرىس دەپ قوستى فاۋچي.

زەرتتەۋ بارىسىندا SARS- CoV-2 ۆيرۋسىنىڭ جابىق يزولياتورلاردىڭ اۋا قاباتىندا ءۇش ساعاتقا دەيىن ساقتالاتىنى انىقتالىپتى. الايدا بۇل قولدان جاسالعان تاجىريبە ەكەن، تابيعي تۇردە ۆيرۋستىڭ ۆاكۋۋمعا ءتۇسۋى ەكىتالاي دەيدى ول. كوروناۆيرۋس قوزدىرعىشىنىڭ مەديتسينالىق يزولياتورلاردا ساقتالاتىنى جوققا شىعارىلمادى. مۇنى قىتايلىق دارىگەرلەر دە راستاپ وتىرعان سىڭايلى.

اتاپ كەتەرلىك جايت، قازىرگى تاڭدا اۋادا ساقتالعان قانداي مولشەرى اۋرۋ تۋدىراتىن ءالى ايقىندالماپتى.

ەسكە سالايىق، قازاقستاندا كوروناۆيرۋس جۇقتىرعانداردىڭ سانى 670 كە جەتىپ وتىر.

سوڭعى جاڭالىقتار