قوستاناي وبلىسىندا تابيعاتتىڭ توسىن مىنەزى جۇرتتى ابدىراتىپ تاستادى

قالا تۇرعىندارى كەنەتتەن جاۋعان قاردىڭ سۋرەتتەرى مەن بەينەجازبالارىن الەۋمەتتىك جەلىلەردە جارىسا ءبولىسىپ جاتىر. راسىمەن دە، تابيعاتتىڭ توسىن مىنەزى جۇرتتى ابدىراتىپ تاستادى.

«كەشە تۇندە عانا كۇن اشىق ەدى. تاڭعى التى-جەتىلەردە دە اناۋ ايتارلىقتاي وزگەرىس بولماعان. اينالاسى 1 ساعاتتىڭ ىشىندە قالانى قار باستى. قازىر بورانداتىپ تۇر. امال جوق، كولىگىمىزدىڭ دوڭعالاعىن قايتا اۋىستىرۋ قاجەت»، - دەيدى اسكەربەك ەسىمدى قالا تۇرعىنى.

قازگيدرومەت ورتالىعىنىڭ وبلىستىق فيليالى مالىمەتىنشە، الداعى ءۇش كۇندە وڭىردە جەلدىڭ جىلدامدىعى سەكۋندىنا 28-30 مەتر بولادى. قازىر سىناپ باعاناسى -2 گرادۋستى كورسەتىپ تۇر. تۇندە ول -7 گرادۋسقا دەيىن تومەندەۋى ىقتيمال.

اۆتور: قاسقىرباي قويشىمانوۆ