فرانسيادا كەشە كوروناۆيرۋستان رەكوردتىق ادام ءولىمى تىركەلدى

None
None
پاريج. قازاقپارات - فرانسيا سوڭعى تاۋلىكتە 833 كوروناۆيرۋستان قايتىس بولعان. بۇل ەلدە پاندەميا باستالعان كەزدەن بەرگى ەڭ جوعارى كورسەتكىش بولىپ وتىر، دەپ حابارلايدى قازاقپارات bbc اگەنتتىگىنە سىلتەمە جاساپ.

سوڭعى مالىمەتتەر بويىنشا، Covid-19 كوروناۆيرۋس ينفەكسياسىنىڭ جاڭا تۇرىنەن قايتىس بولعاندار سانى - 8911 ادام، ال اۋرۋعا شالدىققاندار سانى - 98010 ادام بولدى. ء«بىز بۇل ەپيدەميانىڭ سوڭىنا دەيىن ءالى جەتكەن جوقپىز»، - دەپ ەسكەرتتى ەلدىڭ دەنساۋلىق ساقتاۋ ءمينيسترى وليۆە ۆەران.

فرانسيانىڭ دەنساۋلىق ساقتاۋ مينيسترلىگىنىڭ دۇيسەنبى كەشكە جاريالاعان مالىمەتى بويىنشا، سوڭعى 24 ساعاتتا اۋرۋحانالاردا 605 ادام، ال قارتتار ۇيىندە - تاعى 228 ادام كوز جۇمعان. جانساقتاۋ بولىمىندە جاتقان ادامدار سانى نەبارى 1,3 پايىز - 7072 ادامعا دەيىن ءوستى. ۆەران ەل ۇكىمەتىنىڭ كوروناۆيرۋس ينفەكسياسىنان 27 پايىز ادام كوز جۇمعان قارتتار ۇيلەرىن تەكسەرۋدى باستايتىنىن ءمالىم ەتتى.

رەسمي دەرەككوزدەر بويىنشا، دۇيسەنبى كۇنى يتاليادا ىندەتتەن قايتىس بولعاندار سانى قايتا وسە باستادى. وندا ۆيرۋس قۇرباندارىنىڭ الەم بويىنشا ەڭ كوپ سانى تىركەلىپ، 16523 ادامدى قۇراپ وتىر. پاندەميا قۇرباندارىنىڭ سانى بويىنشا ەكىنشى ورىندا تۇرعان يسپانيادا كۇن سايىنعى ادام ءولىمى سانى تومەندەي تۇسكەن.

توتەنشە جاعدايلار كوميتەتى باسشىسىنىڭ ورىنباسارى ماريا حوسە سەررا كوروناۆيرۋس ءورشۋىنىڭ قارقىنى كوپ ايماقتاردا باسەڭدەگەنىن حابارلادى. يسپانيادا ىندەتتەن جالپى العاندا 13055 ادام قايتىس بولعان.

سوڭعى جاڭالىقتار