كوروناۆيرۋس: ەكسپرەسس-تەستتەن كىمدەر وتە الادى جانە ول ءۇشىن نە ىستەۋ كەرەك؟

وسى جانە وزگە دە سۇراقتاردىڭ جاۋابى coronavirus2020.kz رەسمي سايتىندا بەرىلدى، دەپ حابارلايدى قازاقپارات.

كوروناۆيرۋستى انىقتاۋعا ەكسپرەسس-تەستتەن ءوتۋ ءۇشىن نە ىستەۋ كەرەك؟

1. ق ر د س م رەسپۋبليكالىق ەلەكتروندىق دەنساۋلىق ساقتاۋ ورتالىعىنىڭ https://formcovid.eisz.kz/index.html سايتىندا ساۋالناما تولتىرۋ.

2. ەپيدەميولوگيالىق ىرىكتەۋ كومەگىمەن ءبىرىنشى كەزەكتە تەستتەن وتكىزىلەتىن ازاماتتاردىڭ ساناتى انىقتالاتىن بولادى.

3. ازاماتتاردىڭ وسى ساناتتارى كوروناۆيرۋسقا ەكسپرەسس-تەستتەن تەگىن وتكىزىلەدى.

COVID-19 ۆيرۋسىن انىقتاۋعا تەگىن ەكسپرەسس-تەستتەن كىمدەر وتە الادى؟

سوڭعى ەكى اي ىشىندە اۋرۋعا شالدىققان نەمەسە قازىرگى ۋاقىتتا جرۆي، پنيەۆمونيا، جەدەل- رەسپيراتورلىق اۋرۋ بەلگىلەرى بار تومەندە كورسەتىلگەن قاۋىپ توبىنداعى تۇلعالار:

1. كوروناۆيرۋستىڭ الدىن الۋ شارالارىنا قاتىساتىن تۇلعالار:

جەدەل جاردەم قىزمەتكەرلەرى، امبۋلاتورلىق-ەمحانالىق ۇيىمداردىڭ، ستاتسيونارلاردىڭ قابىلداۋ بولىمشەلەرىنىڭ قىزمەتكەرلەرى.

2. مەديتسينالىق كومەك كورسەتۋگە تىكەلەي قاتىساتىندار.

3. تىنىس الۋ اعزالارىنىڭ اۋىر سوزىلمالى اۋرۋلارىمەن ديسپانسەرلىك ەسەپتە تۇرعان تۇلعالار.

4. اۋرۋحاناعا جاتقىزىلماعان رەسپيراتورلىق سيمپتومدارى (جرۆي، پنيەۆمونيالار، ج ر ا) بار ناۋقاستار.

5. ناۋقاسپەن ىقتيمالدى قارىم-قاتىناستا بولعان تۇلعالار.

6. مەملەكەتتىك شەكاراداعى وتكىزۋ بەكەتتەرىندە اۆتووتكەلدەر مەن تەمىرجولدار ارقىلى قازاقستانعا ساپارلاپ كەلەتىن ازاماتتار.

7. كوروناۆيرۋستىڭ تارالۋىنىڭ الدىن الۋعا قاتىساتىن ورتالىق جانە جەرگىلىكتى مەملەكەتتىك ورگانداردىڭ قىزمەتكەرلەرى (ىشكى ىستەر مينيسترلىگى، قورعانىس مينيسترلىگى، ۇلتتىق گۆارديا، ۇ ق ك، كەدەن قىزمەتى، اكىمدىكتەر قىزمەتكەرلەرى).

8. كارانتيندەگى وڭىرلەردىڭ تىرشىلىك قىزمەتىن قامتاماسىز ەتەتىن قىزمەتكەرلەر (كوممۋنالدىق قىزمەتتەر، ساۋدا-ساتتىق، ءدارى-دارمەكتەر جانە ازىق-تۇلىك جەتكىزەتىن قىزمەتكەرلەر، تاپسىرىسپەن جەتكىزۋدى جۇزەگە اسىراتىن قوعامدىق تاماقتاندىرۋ وبەكتىلەرىنىڭ، كولىك تاسىمالىنىڭ، پ ي ك- تەردىڭ وكىلدەرى، دەزينفەكتسيا قىزمەتىن كورسەتەتىندەر جانە ت. ب.).

9. تەك ەپيدەميولوگيالىق كورسەتىلىمدەر بويىنشا وزگە تۇلعالار.

ەكسپرەسس-تەستتەن ءوتۋ ءراسىمى

1. قاۋىپسىزدىكتى قامتاماسىز ەتۋ ءۇشىن COVID-19-عا سىناما الۋ پروتسەدۋراسى باسقا تالداۋلار قابىلدانبايتىن، بيوماتەريال الۋ ءۇشىن عانا بەلگىلەنگەن بولىمشەلەردە وتكىزىلەدى (ساۋالنامالاردى ىرىكتەۋ قورىتىندىلارى بويىنشا).

2. پاتسيەنتتەر ەكسپرەسس- تەستتەن وتۋگە قاتاڭ تۇردە كورسەتىلگەن ۋاقىتتا شاقىرىلادى جانە كەزەكتە 1,5 - 2 مەتر اراقاشىقتىق ساقتاپ، قان تاپسىرۋ بولىمشەلەرىنىڭ الدىندا - دالادا كۇتەدى جانە ورىنجايعا ءبىر-بىردەن شاقىرىلادى.

3. كىرەتىن جانە شىعاتىن پاتسيەنتتەر لەگى ەكى جاققا بولىنەدى.

4. مەديتسينالىق بەتپەردەنىڭ بولۋى مىندەتتى.

تەستتى كىمدەر جانە قايدا جاسايدى؟

1. جەدەل جاردەم بريگادالارى (شۇعىل شاقىرتۋلار).

2. زەرتحانالىق قىزمەتتەردىڭ ءموبيلدى بريگادالارى، ارنايى جاساقتالعان بولىمشەلەردە (تەك شاقىرۋ بويىنشا).

3. اۆتو جانە تەمىرجول وتكەلدەرىندە (ق ر اۋماعىنا ساپارلاپ كەلەتىن ازاماتتار ءۇشىن).

4. ستاتسيونارلاردا (تەك مەديتسينالىق كورسەتىلىمدەر بويىنشا).

COVID-19-عا ەكسپرەسس- تەست نەدەن تۇرادى؟

1. ەكسپرەسس-تەست بىرنەشە رەاگەنت جاعىندىسىمەن ەندىرىلگەن تەست-جولاعى بار بىررەتتىك پلاستيك قۇرىلعىدان تۇرادى.

2. تەستتى جاساۋ ءۇشىن كۇردەلى قۇرال-جابدىق قاجەت ەمەس. تالداۋعا قان ساۋساقتان الىنادى، بارلىق پايدالانىلاتىن قۇرالدار ستەريلدى جانە بىررەتتىك.

3. تەست ناتيجەسىن 15 مينۋت ىشىندە الۋعا بولادى.

ەكسپرەسس-تەست ناتيجەسى سەنىمدى مە؟

1. ەكسپرەسس-تەست ارقىلى كوروناۆيرۋس ينفەكتسياسىنىڭ دياگنوزى قويىلمايدى. ويتكەنى تەست اعزاداعى ۆيرۋستى انىقتامايدى، تەك وعان دەگەن يممۋندىق جۇيەنىڭ رەاكتسياسىن باعالايدى.

2. ەكسپرەسس-تەستىلەردىڭ سەنىمدىلىگى %90 اسپايدى، سوندىقتان %10 دەيىنگى جاعدايدا ءارى جالعان-تەرىس، ءارى جالعان-وڭ ناتيجەلەر الۋعا بولادى.

3. دياگنوزدى راستاۋدىڭ نەگىزگى ءادىسى رەتىندە بۇرىنعىشا: جۇتقىنشاقتان پ ت ر جاعىندىسى الۋ جانە كوروناۆيرۋس ر ن ق- سىن انىقتاۋ بولىپ قالا بەرەدى.

ەگەر ەكسپرەسس-تەست تەرىس ناتيجە كورسەتسە:

1. تەستتىڭ تەرىس ناتيجەسىن الۋ ينفەكتسيانىڭ جوق ەكەنىن نەمەسە ينفەكتسيا جۇقتىرۋدىڭ تاياۋدا بولعانىن، ال انتيدەنەلەردىڭ ءالى ءتۇزىلىپ ۇلگەرمەگەنىن ايعاقتاي الادى.

2. ۆيرۋستىڭ وسىلاي تاسىمالدانۋى قورشاعان قاۋىمعا قاۋىپتى بولۋى مۇمكىن، سوندىقتان ەگەر ءسىز كارانتيندە بولساڭىز، وقشاۋلانعان كۇيدە قالىپ، بارلىق پروفيلاكتيكالىق شارالاردى قاداعالاۋ كەرەك.

3. كارانتين اياقتالعاندا ينفەكتسيا جۇقتىرۋدى تۇپكىلىكتى جوققا شىعارۋ ءۇشىن قايتالاپ تەست وتكىزۋ قاجەت.

COVID-19 عا ەكسپرەسس-تەستىنىڭ جۇمىس ىستەۋ قاعيداتى

1. تەست قاعيداتى SARS- CoV-2 (COVID-19) كوروناۆيرۋسىنا IgG/IgM كلاسس انتيدەنەلەرىن قاندا انىقتاۋعا نەگىزدەلگەن. ينفەكتسيا جۇققان 7-10 كۇننەن كەيىن ءبىرىنشى بولىپ IgM كلاسس انتيدەنەلەرى وندىرىلەدى. ولار اۋرۋدىڭ جەدەل ساتىدا ەكەنىن ايعاقتايدى.

2. ينفەكتسيا جۇققاننان كەيىنگى 2-3 اپتادان سوڭ IgG كلاسس انتيدەنەلەرى وندىرىلەدى، ول ينفەكتسيانىڭ كوتەرىمدى وتكەنىن جانە قالىپتاسقان يممۋندىق جاۋاپتى بىلدىرەدى.

3. ەگەر ادامدا IgM كلاسس وڭ انتيدەنەلەرى (نەمەسە IgM جانە IgG وڭ انتيدەنەلەرىنىڭ ەكى كلاسى) تابىلسا، وندا ينفەكتسيا 7-14 كۇنگە جۋىق ۋاقىت بۇرىن جۇققان.

4. ەگەر IgG كلاسس وڭ انتيدەنەلەرى تابىلسا - بۇل بۇرىن وسى ادامنىڭ كوروناۆيرۋسپەن بايلانىسى بولعانىن نەمەسە وسى ينفەكتسيانى يممۋندىق جاۋاپ قالىپتاسۋىمەن كوتەرگەنىن بىلدىرەدى.