شەتەلدىك پروفەسسور قازاقستاندىق دارىگەرلەردىڭ سۇراعىنا جاۋاپ بەردى

Zoom قوسىمشاسى ارقىلى وتكەن ونلاين كونفەرەنسياعا ق ر د س م وكىلدەرى، اۋرۋحانا باسشىلارى، دارىگەرلەر قاتىستى.

بۇل ديالوگتى ق ر د س م قوعامدىق دەنساۋلىقتى ساقتاۋ ۇلتتىق ورتالىعى ۇيىمداستىردى.

ونلاين الاڭدا پەتاح-تيكۆا اۋرۋحاناسىنىڭ انەستەزيولوگيا ءبولىمىنىڭ باسشىسى، تەل-اۆيۆ ۋنيۆەرسيتەتى مەديتسينا فاكۋلتەتىنىڭ وقىتۋشىسى، پروفەسسور لەونيد ەيدەلمان جاۋاپ بەردى.

مامان ناۋقاستاردى قانداي ءدارى-دارمەكپەن ەمدەۋ، قالاي كۇتۋ، قانداي جاعدايلاردا جاساندى تىنىس الۋ اپپاراتىنا قوسۋ كەرەكتىگى جايلى سۇراقتارىنا جاۋاپ بەردى.

ولاردىڭ ايتۋىنشا، قازىر الەم دارىگەرلەرىنىڭ ءوز ەلىندە ءتۇرلى ازدى-كوپتى تاجىريبەلەرى قالىپتاسقان. ءبىراق حالىقارالىق د د ۇ بەكىتكەن ۆيرۋسقا قارسى دارىلەر حاتتاماسى ءوز تيىمدىلىگىن كورسەتىپ وتىر. سونىمەن قاتار، كوروناۆيرۋس بالالار اراسىندا وتە جەڭىل وتەتىنى دالەلدەنگەن.

«قازىر بولىمشەلەردە جاتقان بالالاردىڭ ەڭ باستى پروبلەماسى - قالاي ۋاقىت وتكىزۋ. ويتكەنى كوپشىلىگىنىڭ ىشتەرى پىسىپ جاتىر. سيرەك كەدەسەتىن جايتتار بار. بالالار قايتىس بولعان، قاتتى اۋىرعان. امەريكادا جاقىندا جاڭا تۋعان بالا شەتىنەدى. ال كوبىنەسە بالالار اراسىندا بۇل ۆيرۋس سيمپتومى بىلىنبەي ءوتىپ جاتىر. ءبىراق، جوعارىدا ايتىلعان دارىلەردى بالالارعا ابايلاپ قولدانۋ كەرەك. بۇل جاعىنان كوپ تاجىريبە جوق»، - دەدى پروفەسسور.

دارىگەرلەردىڭ ايتۋىنشا، جيناقتالعان مالىمەتتەرگە سايكەس، 0-10 جاس ارالىعىنداعى بالالار اراسىندا كوروناۆيرۋس وتە سيرەك كەزدەسەدى. سونىمەن قاتار، پروفەسسور باسقا دا سوزىلمالى اۋرۋلارمەن اۋىراتىن ناۋقاستار كوروناۆيرۋس جۇقتىرعان جاعدايدا ولارعا وتا جاساۋعا بولاتىنىن ايتتى.