تەلەارنالار ارقىلى ءبىلىم الۋ تۋرالى جاقسى پىكىرلەر ايتىلۋدا – ب ع م

None
None
نۇر- سۇلتان. قازاقپارات - بۇگىندە ەڭ ماڭىزدى ماسەلەنىڭ ءبىرى - اۋىلدىق جەرلەردەگى وقۋشىلاردى قامتۋ. بۇل تۋرالى ق ر ءبىلىم جانە عىلىم ءمينيسترى اسحات ايماعامبەتوۆ ايتتى، دەپ حابارلايدى قازاقپارات ءتىلشىسى.

«تاڭعى 09:00-دەن باستاپ تەلەديدار ارقىلى وقۋ باستالدى. ونىڭ الدىندا بەرگەن كەستە بويىنشا جۇمىس جۇرگىزە باستادىق. بالاپان، ەل ارنا ارقىلى وقۋ جوسپارىنا سايكەس ساباقتار ءوتتى. بۇل ماسەلە بويىنشا كوپ وقۋشى قامتىلدى دەپ ايتۋعا بولادى. ءتيىستى ساۋالناما جۇرگىزگەن بولاتىنبىز. سول ساۋالناماعا سۇيەنەتىن بولساق: ينتەرنەتپەن جۇمىس ىستەگەن بالالاردىڭ وزدەرى قوسىمشا رەتىندە تەلەديداردى دا قاراپ، اقپارات العاندارى تۋرالى ايتقان» - دەيدى ق ر ءبىلىم جانە عىلىم ءمينيسترى ورتالىق كوممۋنيكاتسيالار ورتالىعىندا.

ونىڭ ايتۋىنشا، ەڭ ماڭىزدى ماسەلەنىڭ ءبىرى - اۋىلدىق جەرلەردەگى وقۋشىلاردى قامتۋ. «بۇگىن تۇسكە قاراي بىرنەشە ەلدى مەكەندەرگە تەلەفون سوعىپ، اتا- انالارمەن، ۇستازدارمەن سويلەسىپ، اقپارات الدىم. بالاپان، ەل ارنا تەلەارنالارى ارقىلى ءبىلىم العاندارى تۋرالى جاقسى پىكىرلەر ايتىلىپ جاتىر. وسى تەلەارنالار ارقىلى ارى قاراي جالعاستى جۇمىسىمىزدى جۇرگىزەتىن بولامىز»، - دەيدى اسحات ايماعامبەتوۆ.

اۆتور: زارينا قاھارمان

سوڭعى جاڭالىقتار