باس سانيتار: كارانتيننىڭ اياقتالۋى-ءاربىر ازاماتتىڭ تارتىبىنە بايلانىستى
«كارانتين-كوروناۆيرۋس ينفەكسياسىن الدىن الۋدىڭ بىردەن- ءبىر امالى. ۇيدە بولىڭىزدار. ەشقايدا شىقپاڭىزدار. ازىق- تۇلىك نەمەسە ءدارى- دارمەك بولماسا اسا قاجەتتىلىك تۋىنداماعان جاعدايدا ۇيدەن شىقپاعان ابزال. ۇيىڭىزدە دە پروفيلاكتيكالىق شارالار تۋرالى ۇمىتپاڭىزدار. دىمقىل شۇبەرەكپەن ءۇيدى تازارتىپ، بولمەنى جەلدەتىپ، ءۇي جاعدايىنا ارنالعان ۋلتراكۇلگىندى ساۋلەلەندىرگىشتى پايدالانىڭىز. ۋلتراكۇلگىندى ساۋلەلەر ۆيرۋستى ولتىرۋدە وتە ءتيىمدى. ەگەر ۇيدەن شىقساڭىز كوشەدە بارىنشا ساقتانىپ ءجۇرىڭىز. ادامداردان ەكى مەتر قاشىقتىقتا بولىپ، انتيسەپتيكتەردى قولدانىڭىز. ۇيگە كەلگەندە قولدى بەتكە اپارماي، مىندەتتى تۇردە سابىنداپ جۋىڭىز. اۋرۋدىڭ العاشقى بەلگىلەرى پايدا بولعان جاعدايدا جەدەل جاردەمگە جۇگىنىڭىز. وزدىگىڭىزبەن ونداي جاعدايدا ۇيدەن شىقپاڭىز»،- دەدى ايجان ەسماعامبەتوۆا و ك ق- دا وتكەن باسپا ءسوز ءماسليحاتىندا.
مەملەكەتتىك باس سانيتارلىق دارىگەر كارانتيننىڭ اياقتالۋى - ءاربىر ازاماتتىڭ تارتىبىنە بايلانىستى ەكەنىن اتاپ ايتتى.