17:23, 06 - ءساۋىر 2020 | GMT +6
مەملەكەتتىك باس سانيتار شەكتەۋ شارالارى كۇشەيتىلۋى ءتيىس وڭىرلەردى اتادى
نۇر- سۇلتان. قازاقپارات - قازاقستاننىڭ مەملەكەتتىك باس سانيتارلىق دارىگەرى ايجان ەسماعامبەتوۆا كوروناۆيرۋس ينفەكسياسى ءورشىپ بارا جاتقان وڭىرلەردى اتادى، دەپ حابارلايدى قازاقپارات ءتىلشىسى.
«وسى جىلدىڭ 1-ساۋىرىندە شىققان مەنىڭ قاۋلىما سايكەس مەملەكەتتىك شەكارا ارقىلى وتەتىن اۆتووتكەلدەر مەن تەمىرجول وتكەلدەرىندە مىندەتتى سانيتارلىق كارانتيندىك باقىلاۋ ەنگىزىلگەن. قاۋلىعا سايكەس مىندەتتى تۇردە تەكسەرۋ جۇرگىزىلىپ، جۇرگىزۋشىلەردەن ساۋالناما مەن تەست الىنۋى ءتيىس. تەست تەرىس ناتيجەنى كورسەتسە دە ول ادام ءۇي كارانتينىنە جاتقىزىلۋى كەرەك. البەتتە تەست وڭ ناتيجە كورسەتسە ولار اۋرۋحاناعا جاتقىزىلادى»،- دەدى ايجان ەسماعامبەتوۆا و ك ق- دا وتكەن باسپا ءسوز ءماسليحاتىندا.
سونىمەن قاتار، ايجان ەسماعامبەتوۆا قىزىلوردا، قاراعاندى، تۇركىستان، اتىراۋ وبلىستارىندا سىرقاتتانۋشىلىقتىڭ جوعارى ءوسىمى تىركەلگەندىكتەن اتالعان وڭىرلەرگە كارانتيندىك شەكتەۋ شارالارىن قاتاڭ ساقتاۋ ارقىلى قوسىمشا شەكتەۋ شارالارىن ەنگىزۋ قاجەتتىگىن اتاپ ءوتتى.