كارانتيندەگى جۇلدىز: بەكبولات تىلەۋحان بۇگىن ونلاين كونسەرت بەرەدى

ەستەرىڭىزگە سالا كەتسەك، 23 -ناۋرىزدان باستاپ ق ر مادەنيەت جانە سپورت مينيسترلىگىنىڭ باستاماسىمەن قازاق كونسەرت پەن قازاقتەلەكوم ۇيىمدارى بىرلەسىپ، Live فورماتىنداعى «كارانتيندەگى جۇلدىز» اتتى جاڭا جوبانى باستادى.

جوبا اياسىندا تانىمال قازاقستاندىق ونەر جۇلدىزدارى مەن قازاق كونسەرتتىڭ ارتىستەرى جاندى داۋىستا جانە ونلاين فورماتتا ونەر كورسەتەدى. ونەرسۇيەر قاۋىمعا ءارتۇرلى باعىتتاعى - فولكلورلىق، ەسترادالىق، كلاسسيكالىق جانە ۇلت اسپاپتىق ورىنداۋدا كونتسەرتتەر ۇسىنىلادى. جوبانىڭ باستى ارتىقشىلىعى - كورەرمەن قاۋىم ۇيدەن شىقپاي، سۇيىكتى انشىلەرىنىڭ ونەرىن ۇيدەگى جايلى اتموسفەرادا تاماشالاي الادى. وسى كۇندەرى روزا رىمبايەۆا، ساكەن مايعازيەۆ، مەدەۋ، جەڭىس سەيدۋللا ۇلى، جۇبانىش جەكسەن ۇلى، عادىلبەك جاڭاي سىندى بەلگىلى انشىلەر وزدەرىنىڭ ونلاين كونسەرتتەرىن بەرىپ ۇلگەردى. كونسەرتتەر كورەرمەننىڭ ىقىلاسىنا بولەنۋدە.

ءتىپتى 26 -ناۋرىز كۇنى وتكەن روزا رىمبايەۆانىڭ ونلاين كونسەرتىن مەملەكەت باسشىسى دا جوعارى باعالاپ، كونسەرتتى حالىقتىڭ رۋحىن كوتەرەتىن ناعىز ونەر تۋىندىسى دەپ باعالادى.

اۆتور: مارلان جيەمباي