16:41, 05 - ءساۋىر 2020 | GMT +6
ا ق ش فەرمەلەرى تازا ءسۇتتى جەر استىنداعى كارىز جۇيەسىنە توگۋگە ءماجبۇر
نۇر- سۇلتان. قازاقپارات- ا ق ش- تا پاندەميانىڭ كەسىرى اۋىلشارۋاشىلىق سالاسىنا دا ءتيدى، دەپ حابارلايدى «حابار 24».
ايماقتاعى فەرمەلەر كۇن سايىن ونداعان ليتر تازا ءسۇتتى پايداعا جاراتپاي، جەر استىنداعى كارىز جۇيەسىنە توگىپ جاتىر.
شارۋا قوجالارى COVID-19 ىندەتىنىڭ كەڭ ەتەك جايۋىنان، ايماقتاعى ءسۇت ونىمدەرىنە ارنالعان قاپتاما مەن ىدىس شىعاراتىن بىرنەشە شاعىن كاسىپورىننىڭ جابىلعانىن ايتادى. ءتىپتى دۇكەندەردىڭ ءبىرازى دا جۇمىسىن توقتاتتى. ال ءىسىن دوڭگەلەتىپ وتىرعاندار قىزمەتكەرلەرىنىڭ جەتىسپەۋشىلىگىنە شاعىمدانادى. ماماندار ەل اۋماعى بويىنشا ءسۇت ونىمدەرىنە سۇرانىس كوپ بولعانىمەن، جۇمىستىڭ ءبىر تارتىپكە سالىنباۋى كەسىرىنەن ءسۇت ءوندىرىسى اقساپ قالدى دەيدى.