ماس جۇرگىزۋشى توتەنشە جاعدايعا بايلانىستى قويىلعان بلوكپوستتى قيراتىپ كەتكەن
الماتى وبلىسىنىڭ قاراساي مامانداندىرىلعان اۋدانارالىق اكىمشىلىك سوتىمەن انىقتالعانداي، ازامات ا. 2020 -جىلدىڭ 2 - ساۋىرىندە «Toyota Ipsum» ماركالى اۆتوكولىكتى الكولگولدىك ماساڭ كۇيدە باسقارعان. ول جاڭاعاسىر كوشەسىمەن سولتۇستىك باعىتتا باسقارىپ كەلە جاتىپ، قاراساي اۋدانى، كوكساي اۋىلىندا ورنالاسقان توتەنشە جاعدايعا بايلانىستى قويىلعان №4 كارانتين بلوكپوست قورشاۋىن قاققان. سونىمەن قاتار ەكى اۆتوكولىككە سوقتىعىسقان. كولىك جۇرگىزۋشىسى ا. سوتتا ءوز كىناسىن تولىقتاي مويىندادى. قاراساي مامانداندىرىلعان اۋدانارالىق اكىمشىلىك سوتىنىڭ قاۋلىسىمەن ازامات ا. قازاقستان رەسپۋبليكاسىنىڭ اكىمشىلىك قۇقىق بۇزۇشىلىق تۋرالى كودەكسىنىڭ 608 - بابىنىڭ 3 - بولىگىندە كوزدەلگەن اكىمشىلىك قۇقىق بۇزۋشىلىقتى جاساعانى ءۇشىن كىنالى دەپ تانىلىپ، وعان 20 تاۋلىككە اكىمشىلىك قاماققا الۋ جانە 7 جىلعا كولىك قۇرالىن باسقارۋ قۇقىعىنان ايىرۋ جازاسى تاعايىندالدى.
اتالعان اكىمشىلىك جازاسى بالاماسىز بولىپ تابىلادى. قاۋلى زاڭدى كۇشىنە ەنگەن جوق.
اۆتور: سامال قابىشيەۆا