الداعى جىلدارى ەلىمىزدە قانداي زاۋىتتار سالىناتىنى بەلگىلى بولدى

None
None
نۇر- سۇلتان. قازاقپارات – ق ر يندۋستريا جانە ينفراقۇرىلىمدىق دامۋ مينيسترلىگى جاڭا مەملەكەتتىك باعدارلامانىڭ اياسىندا قانداي ناتيجە جوسپارلانىپ وتىرعانىن جاريالادى، دەپ حابارلايدى قازاقپارات.

2019 -جىلعى 31 -  جەلتوقساندا ۇكىمەت قاۋلىسىمەن ق ر يندۋستريالىق- يننوۆاتسيالىق دامىتۋدىڭ 2020-2025 -جىلدارعا ارنالعان مەملەكەتتىك باعدارلاماسى بەكىتىلدى. ىشكى جانە سىرتقى نارىقتا وڭدەۋ ونەركاسىبى كاسىپورىندارىنىڭ باسەكەگە قابىلەتتىلىگىنىڭ ءارى قاراي ءوسۋى – ي ي د م ب 3.0 ماقساتى بولىپ وتىر.

باعدارلاما ماقساتتارىنىڭ ىشىندە: ىشكى جانە سىرتقى نارىقتاردا سۇرانىسقا يە وڭدەلگەن تاۋارلار ءوندىرىسىنىڭ كولەمىن ۇلعايتۋ جانە نومەنكلاتۋراسىن كەڭەيتۋ؛ نەگىزگى وندىرىستەردى دامىتۋ جانە ستراتەگيالىق جوبالاردى ىسكە اسىرۋدى ىنتالاندىرۋ ارقىلى ونەركاسىپتىك قۋاتتاردى ۇلعايتۋ؛ وڭدەۋ ونەركاسىبى سالالارىن تەحنولوگيالىق دامىتۋ جانە سيفرلاندىرۋدى قامتاماسىز ەتۋ بار.

«ي ي د م ب 3.0 ىسكە اسىرۋ كەزەڭىندە ەكسپورتقا باعىتتالعان 40 نەگىزگى جوبانى ىسكە اسىرۋعا باسا نازار اۋدارىلاتىن بولادى. سونىڭ ىشىندە، كۇردەلى تىڭايتقىشتار ءوندىرىسىنىڭ كەشەنى «ەۆروحيم قاراتاۋ»، پوليەتيلەن ءوندىرىسى بويىنشا Borealis جوباسى، جامبىل وبلىسىندا كالتسي قوسىلعان سودا ءوندىرىسى «Yildirim Holding» ماشينا جاساۋ سالاسىندا قوستاناي وبلىسىندا «كاماز» اۆتوموبيل ارنايى تەحنيكاسى مەن تەحنيكا اۆتوكومپونەنتتەرى ءوندىرىسىن، الماتى قالاسىندا Hyundai جەڭىل اۆتوموبيلدەر ءوندىرىسىن، سونداي- اق Claas KgaA mbH نەمىس اۋىلشارۋاشىلىق ماشينا جاساۋ الىبىمەن بىرلەسىپ، اۋىل شارۋاشىلىق تەحنيكاسى ءوندىرىسىن ىسكە قوسۋ جوسپارلانۋدا»، - دەلىنگەن ق ر يندۋستريا جانە ينفراقۇرىلىمدىق دامۋ مينيسترلىگى مالىمەتىندە.

ي ي د م ب 3.0 ەنگىزۋدەن كۇتىلەتىن ناتيجەلەر: وڭدەۋ ونەركاسىبىندە ەڭبەك ونىمدىلىگىن 2018 -جىلمەن سالىستىرعاندا 1,6 ەسەگە ناقتى ءوسىرۋ (ءبىر ادامعا شاققاندا 55,9 مىڭ دوللارعا دەيىن)؛ وڭدەۋ ونەركاسىبىندە ەكسپورت كولەمىن 2018 -جىلعى دەڭگەيگە قاراعاندا 1,9 ەسەگە ءوسىرۋ ($15,8-دەن $29,5 ميلليارد دەيىن)؛ وڭدەۋ ونەركاسىبىنىڭ نەگىزگى كاپيتالىنا ينۆەستيتسيالاردىڭ فيزيكالىق كولەمى يندەكسىن 2018 -جىلعى دەڭگەيمەن سالىستىرعاندا 1,6 ەسەگە ءوسىرۋ ($3,6-دان 5,9 ميللياردقا دەيىن).

ايتا كەتەيىك، يندۋستريالاندىرۋ ارقىلى ەكونوميكانى ءارتاراپتاندىرۋ باعىتى ەلىمىزدىڭ تۇڭعىش پرەزيدەنتى نۇرسۇلتان نازاربايەۆپەن 2010 -جىلى بەلگىلەنگەن. العاشقى ەكى بەسجىلدىقتىڭ قورىتىندىسى بويىنشا وڭدەۋ ونەركاسىبى 70 تريلليون تەڭگەگە ءونىم ءوندىردى، ال ادام باسىنا شاققاندا ەڭبەك ونىمدىلىگى 35,3 مىڭ ا ق ش دوللارىنا جەتتى.

اۆتور: رۋسلان عابباسوۆ

سوڭعى جاڭالىقتار