ا ق ش ەندى عىلىم مەن تەحنولوگيا سالاسىندا كوشباسشى ەمەس - زەرتتەۋ

None
None
نۇر- سۇلتان. قازاقپارات – ا ق ش بۇرىن عىلىم مەن تەحنولوگيا سالاسىندا الەمدىك كوشباسشى بولعان ەدى. جاڭا زەرتتەۋ ناتيجەلەرى امەريكا رەيتينگىنىڭ ءتۇسىپ كەتكەنىن كورسەتتى، دەپ جازادى قازاقپارات CNN  گە سىلتەمە جاساپ.

«ا ق ش- تىڭ «عىلىم جانە تەحنيكا 2020» بايانداماسى وسى اپتادا جارىق كوردى. زەرتتەۋدى ۇلتتىق عىلىمي كەڭەس پەن ۇلتتىق عىلىم قورى جاسادى. بايانداما ەكى جىلدا ءبىر رەت جارىق كورەدى جانە كونگرەسكە ۇسىنىلادى» ، دەپ جازادى اگەنتتىك.

جۋرناليستەردىڭ جازۋىنا قاراعاندا، ۇلتتىق عىلىم كەڭەسىنىڭ ءتورايىمى ديانا سۋۆەين عىلىم مەن تەحنيكا بۇكىل الەمدە كەڭ تاراپ جاتقانىمەن، ا ق ش بۇل سالالاردا كوشباسشىلىقتى ۋىسىنان شىعارىپ العانىن مالىمدەگەن.

«عىلىم مەن تەحنيكا ا ق ش ەكونوميكاسى مەن ۇلتتىق قاۋىپسىزدىككە تىعىز بايلانىستى. امەريكا 2017 -جىلى وسى سالاداعى زەرتتەۋلەرگە 548 ميلليارد دوللار جۇمساپ، الدىڭعى ورىندا تۇرعان ەدى. ا ق ش- تا عىلىم مەن تەحنيكا زەرتتەۋلەرىنە ينۆەستيتسيانى نەگىزىنەن بيزنەس قۇيادى، ال فەدەرالدى ۇكىمەت بۇل سالالاردى قارجىلاندىرۋدى 2000 -جىلى ازايتتى» ، دەپ جازادى اگەنتتىك.

جۋرناليستىڭ ايتۋىنشا، ۇكىمەت 2017 -جىلى زەرتتەۋلەرگى % 38 نەمەسە 76 ميلليارد دوللار سالسا، بيزنەس% 43  نەمەسە 85 ميلليارد دوللار قۇيعان. فەدەرالدى قارجىلاندىرۋدىڭ ازايۋى جوعارى ءبىلىم سالاسىن زەرتتەۋدىڭ ازايۋىنا الىپ كەلگەن.

«باياندامادا ايتىلعانداي، ا ق ش- تىڭ عىلىم مەن تەحنولوگيا سالاسىنداعى جاھاندىق ۇلەسى 25 پايىزعا دەيىن ازايعان. ال ازيا ەلدەرىنىڭ ۇلەسى كەرىسىنشە، ارتقان» ، دەپ جازادى اۆتور.

ونىڭ ايتۋىنشا، جاھاندىق زەرتتەۋلەر ءوسىمىنىڭ ۇشتەن ءبىرى قىتايعا تيەسىلى.


سوڭعى جاڭالىقتار