ارمەنيادان اكەلىنگەن پروبلەمالىق كولىكتەردەن قالاي قۇتىلۋعا بولادى – ءى ءى م ۆيتسە- ءمينيسترى

None
None
 نۇر- سۇلتان. قازاقپارات - ىشكى ىستەر ءمينيسترىنىڭ ءبىرىنشى ورىنباسارى مارات قوجايەۆ ارمەنيا مەن قىرعىزستاننان اكەلىنگەن ءرولى وڭ جاقتاعى جانە ەسكىرىپ قالعان كولىكتەردەن قالاي قۇتىلۋعا بولاتىنىن ايتىپ بەردى، دەپ حابارلايدى قازاقپارات ءتىلشىسى.

«قازىرگى تاڭدا زاڭمەن بەكىتىلگەن تەحنيكالىق رەگلامەنتتەردى اينالىپ وتەتىن امال جوق. بۇل ءرولى وڭ جاقتاعى كولىكتەرگە قاتىستى ماسەلە. بۇل ەرەجە كەرەك دەسەڭىز، 2008 -جىلى قابىلدانىپ قويعان. ونى قازاقستان ازاماتتارىنىڭ ءبارى بىلەدى. ال ەندى نە ىستەۋ كەرەك دەگەنگە كەلسەك، جوق دەگەندە شىعىننىڭ ءبىر بولىگىن ءوندىرىپ الۋدىڭ ءارتۇرلى جولى بار. ونداي كولىكتەرگە تەحنيكالىق رەگلامەنت رۇقسات بەرەتىن ەلدەرگە وتكىزۋگە بولادى. اۆتوكولىكتى قوسالقى بولشەك تۇرىندە ساتۋعا دا جول اشىق. كولىك اكەلىنگەن ەلگە قايتا اپارىپ، ونىڭ ساپاسى مەن كەدەندىك تولەمدەرى تۋرالى جالعان اقپارات بەرگەن ادامعا قارسى سوت شاعىمىن تۇسىرۋگە بولادى. بۇل جەردە جاعداي ءار ءتۇرلى. ءار جاعدايدى جەكە تالداپ، ادامدارعا سوعان سايكەس ارەكەت الگوريتمىن ۇسىنىپ جاتىرمىز» ، - دەدى مارات قوجايەۆ و ك ق- دا وتكەن باسپا ءسوز ءماسليحاتىندا.

ايتا كەتسەك، بۇعان دەيىن ق ر ىشكى ىستەر ءمينيسترىنىڭ ءبىرىنشى ورىنباسارى مارات قوجايەۆ قۇقىق قورعاۋشىلار نەلىكتەن ارمەنيا مەن قىرعىز رەسپۋبليكاسىنان اكەلىنگەن كولىكتەردى تىركەۋگە شاقىرعانىن ايتىپ بەرگەن ەدى.

سوڭعى جاڭالىقتار