قاتەرلى ىسىكپەن كۇرەس: بريتاندىق عالىمدار «امبەباپ جولدى» تاپتى

None
None
نۇر-سۇلتان. قازاقپارات - عالىمدار قاتەرلى ىسىكپەن كۇرەستىڭ امبەباپ ءادىسىن تاپتى. بۇل ءادىس - ادامنىڭ ساۋ جاسۋشالارعا تيىسپەستەن قاتەرلى ىسىك جاسۋشالارىمەن دەربەس كۇرەسۋ ءۇشىن يممۋندىق جۇيەسىن باعدارلامالاۋ.

كارديفف ۋنيۆەرسيتەتىنىڭ عالىمدار توبىنىڭ اشقان جاڭالىعى دارىگەرلەرگە ادامنىڭ يممۋندىق جۇيەسىن راك كلەتكالارىنا قارسى «تۇزەتۋگە» مۇمكىندىك بەرەدى. بۇل ونكولوگيالىق اۋرۋدىڭ امبەباپ ەمىنە ەسىك اشۋى مۇمكىن. بۇل ءادىس ءالى كلينيكالىق سىناقتان وتپەگەن، ءبىراق زەرتتەۋشىلەر ونىڭ ۇلكەن الەۋەتى بار دەيدى. جۇمىستىڭ قىسقاشا مازمۇنى Nature يممۋنولوگيا جۋرنالىندا جاريالاندى.

زەرتتەۋدىڭ ءمانى يممۋندىق جۇيەنىڭ قاتەرلى ىسىكپەن كۇرەسەتىن «ەرەكشە» ادىستەرىن ىزدەۋ بولدى. عالىمدار ت- ءليمفوتسيتتىڭ ەرەكشە ءتۇرىن - ادام اعزاسىنداعى يممۋندىق جۇيەگە جاۋاپ بەرەتىن جاسۋشانى انىقتاپ الدى. الايدا عالىمدار تاپقان جاسۋشا، باسقالاردان ايىرماشىلىعى، ءتۇرلى قاۋىپتەرگە توتەپ بەرە الادى. بۇل بارلىق ناۋقاستاردى ەمدەي الاتىنداي مۇمكىندىك بار. بۇرىن بۇل مۇمكىن ەمەس ەدى.

ت- ليمفوتسيتتەردىڭ (نەمەسە ت- جاسۋشالاردىڭ) بەتىندە حيميالىق رەتسەپتورلار بار، ولار اعزادا قاۋىپتى انتيگەندەردى انىقتايدى. عالىمدار توبى راك كلەتكالارىنىڭ كوپتەگەن تۇرلەرىنە شابۋىل جاسايتىن ت- ليمفوتسيتتەردىڭ ءتۇرىن تابۋدىڭ جولىن تابا ءبىلدى. بۇل ءادىس وكپە، قان قاتەرلى ىسىگى، ىشەك، ءسۇت بەزى، سۇيەك، قابىنۋ، انالىق بەز بەن جاتىر موينى جاسۋشالارىندا سىنالدى. ليمفوتسيت راك كلەتكالارىن جويىپ، ساۋ جاسۋشالارعا قول تيگىزبەدى. ت- ليمفوتسيت راك كلەتكالارىن ساۋ جاسۋشالاردان قالاي اجىراتاتىنى ءالى بەلگىسىز. ونىڭ رەتسەپتورى ادام دەنەسىندەگى ءاربىر جاسۋشانىڭ بەتىندە ورنالاسقان MR1 دەپ اتالاتىن مولەكۋلامەن ارەكەتتەسەدى.

سوڭعى جاڭالىقتار