استانا مەترو قۇرىلىسى جالعاسا ما - اكىمدىك جاۋابى

 «استانا LRT جوباسىنىڭ قۇرىلىسىنا كەلسەك، ونداعى تاپسىرىس بەرۋشى - قالالىق ساۋلەت، قالا قۇرىلىسى جانە جەر قاتىناستارى باسقارماسى بولىپ وتىر. استانا LRT قۇرىلىسىنىڭ ەكىنشى بولىگى بويىنشا، ازىرگە تەحنيكالىق- ەكونوميكالىق نەگىزدەمە دايىندالىپ جاتىر. بۇل نەگىزدەمە دايىن بولىسىمەن، ءارى قاراي نە بولاتىنى تۇسىنىكتى بولادى. ەگەر مەملەكەتتىك ساراپتاما باس تارتپاسا ياعني جوبانى ءجونسىز دەپ ايتپاسا، قۇرىلىستى جالعاستىرامىز»، - دەدى باسقارما باسشىسى ورتالىق كوممۋنيكاتسيالار قىمەتىندە وتكەن باسپا ءسوز ءماسليحاتىندا.

ونىڭ ايتۋىنشا، زاڭ بويىنشا مەملەكەتتىك ساراپتاما 45 جۇمىس كۇنىندە جاۋابىن بەرۋى كەرەك.

ەسكە سالساق، پرەزيدەنت LRT قۇرىلىسىن جەدەلدەتۋدى جانە وعان قاتىستى ءىستى تەرگەۋدى تاپسىرعان بولاتىن.

«سىبايلاس جەمقورلىققا قارسى ءىس- قيمىل اگەنتتىگىنە تەرگەۋدى جەدەلدەۋ تاپسىرماسىمەن جۇگىنگىم كەلەدى. بىرەۋلەردىڭ شەتەلگە قاشىپ كەتكەنىن ايتىپ، «جەڭىلدىڭ استىمەن، اۋىردىڭ ۇستىمەن» جۇرۋگە بولمايدى. بۇل جوسپارلانعان قاشۋ ەكەنى تۇسىنىكتى. وزگەلەردى، ونىڭ ىشىندە شەشىم قابىلداعان اكىمدىكتىڭ باسشىلارىن قاپەردەن تىس قالدىرماۋ كەرەك»، - دەدى مەملەكەت باسشىسى.

بۇعان دەيىن LRT قۇرىلىسى ۋاقىتشا توقتاعانىن حابارلاعان بولاتىنبىز. وعان قاتىستى ۇكىمەت باسشىسى اسقار مامين پىكىر ءبىلدىردى.

اۆتور ايجان سەرىكجان قىزى