ەلباسى جانە پرەزيدەنت پاۆلودار وبلىسىنىڭ دامۋىنا ەرەكشە ءمان بەرەدى - اسقار مامين

None
None
پاۆلودار. قازاقپارات - ەلباسى جانە ق ر پرەزيدەنتى پاۆلودار وبلىسىنىڭ دامۋىنا ەرەكشە ءمان بەرەدى.

بۇل تۋرالى ءوڭىر ءماسليحاتىنىڭ كەزەكتەن تىس سەسسياسىنا قاتىسقان پرەمەر-مينيستر اسقار مامين ءمالىم ەتتى، دەپ حابارلايدى قازاقپارات primeminister.kz سايتىنا سىلتەمە جاساپ.

ءماسليحات سەسسياسىندا مەملەكەت باسشىسى قاسىم-جومارت توقايەۆتىڭ ءوڭىر اكىمى لاۋازىمىنا ۇسىنعان ءابىلقايىر سقاقوۆتىڭ كانديداتۋراسى ءبىراۋىزدان كەلىسىلدى.

پرەمەر-مينيستر پاۆلودار وبلىسىنىڭ اكتيۆىنە جاڭا اكىمدى تانىستىرا وتىرىپ، ونىڭ وڭىرلىك جانە رەسپۋبليكالىق دەڭگەيلەردەگى باسشىلىق لاۋازىمدارداعى ۇلكەن جۇمىس تاجىريبەسىن اتاپ ءوتتى.

«تۇڭعىش پرەزيدەنت - ەلباسى نۇرسۇلتان ءابىش ۇلى نازاربايەۆ جانە مەملەكەت باسشىسى قاسىم-جومارت كەمەل ۇلى توقايەۆ ەلىمىزدىڭ يندۋستريالىق ورتالىقتارىنىڭ ءبىرى - پاۆلودار وبلىسىنىڭ دامۋىنا ەرەكشە ءمان بەرەدى. ءوڭىردىڭ ونەركاسىپتىك الەۋەتى ۇلكەن، مۇندا تاۋ- كەن مەتاللۋرگياسى كەشەنى، مەتاللۋرگيا جانە ماشينا جاساۋ سالاسى دامىعان»، — دەدى ا. مامين.

ۇكىمەت باسشىسى ءوڭىردىڭ الەۋمەتتىك-ەكونوميكالىق دامۋى بويىنشا وبلىس اكىمدىگىنىڭ الدىندا تۇرعان مىندەتتەردى اتاپ ءوتتى، ولار: ەكونوميكانىڭ تۇراقتى دامۋىن قامتاماسىز ەتۋ، ينۆەستيتسيا تارتۋ، جاڭا جۇمىس ورىندارىن قۇرۋ، ءومىر ءسۇرۋ ساپاسىن ارتتىرۋ جانە حالىقتىڭ تابىسىن جاقسارتۋ.

«ابىلقايىر باقتىباي ۇلىنىڭ باسشىلىق قىزمەتتەگى تاجىريبەسى مەن ءبىلىمى وبلىس اكتيۆىمەن جانە ءماسليحات دەپۋتاتتارىمەن بىرگە مەملەكەت باسشىسى العا قويعان مىندەتتەردى ساپالى شەشۋدى قامتاماسىز ەتۋگە مۇمكىندىك بەرەتىنىنە سەنىمدىمىن»، — دەدى اسقار مامين.

كەزدەسۋدە وبلىستىڭ قوعامدىق كەڭەسى ءتوراعاسىنىڭ ورىنباسارى نۇرلان نابيەۆ پەن قالالىق قوعامدىق كەڭەس ءتوراعاسى الەكساندر ريۋمكين ءسوز سويلەپ، مەملەكەت باسشىسى ۇسىنعان ءا. سقاقوۆتىڭ كانديداتۋراسىنا قولداۋ ءبىلدىرىپ، پاۆلودار وبلىسىنىڭ جاڭا اكىمىنە تابىستى ءارى ناتيجەلى جۇمىس اتقارۋدى تىلەدى.


سوڭعى جاڭالىقتار