13:15, 21 - قاڭتار 2020 | GMT +6
ەۋرووداق بەت-الپەتتى تانۋ جۇيەسىنە تىيىم سالماق
نۇر-سۇلتان. قازاقپارات - ەۋروپالىق كوميسسيا قوعامدىق ورىنداردا بەت-الپەتتى تانۋ جۇيەلەرىنىڭ قولدانىلۋىنا بەس جىلعا دەيىن تىيىم سالۋ ماسەلەسىن قاراستىرىپ جاتقانىن مالىمدەدى، دەپ حابارلايدى قازاقپارات BBC- گە سىلتەمە جاساپ.
كوميسسيا بۇل تەحنولوگيانىڭ قانداي زيان كەلتىرۋى ىقتيمالدىعىن انىقتاپ الماق.
جاڭا تەحنولوگيا بەينەباقىلاۋدا پوليتسيا ىزدەپ جاتقان ادامداردى تابۋ ءۇشىن ادامنىڭ بەت-الپەتىن تانۋعا مۇمكىندىك بەرەدى. تىيىم تەك قاۋىپسىزدىك جوبالارى مەن زەرتتەۋ جۇمىستارىنا سالىنبايدى.
كوميسسيا بەت-الپەتتى تانۋ جۇيەلەرىن جاساۋشىلارعا دا، پايدالانۋشىلارعا دا جاڭا مىندەتتەر بەرۋدى ۇسىندى. سونىمەن قاتار ەۋرووداق ەلدەرىن جاڭا ەرەجەلەردى باقىلايتىن ورگان قۇرۋعا شاقىردى.
ال قىتاي كەرىسىنشە، مۇنداي جۇيەنى ءدارىحانالارعا قويىپ جاتىر. وسىلايشا، پسيحوتروپتى دارىلەردى ساتىپ الۋشىلار بەتىن سكانەرلەۋ ارقىلى ءوزىنىڭ كىم ەكەنىن كورسەتۋى كەرەك.