الماتى وبلىسىندا قارۋلى قاقتىعىستان ءبىر ادام قازا تاۋىپ، تورتەۋى جارالاندى

None
None
تالدىقورعان. قازاقپارات - الماتى وبلىسى پانفيلوۆ اۋدانى كوكتال اۋىلىندا ءبىر توپ جىگىتتەر اراسىندا قارۋلى قاقتىعىس بولدى، دەپ حابارلايدى قازاقپارات.

ەكى جاق جانجال كەزىندە سۋىق جانە اتىس قارۋىن پايدالانعان. سالدارىنان 4 ادام اۋرۋحاناعا ءتۇستى. وقيعا ورنىنان 27 جاستاعى جەرگىلىكتى تۇرعىننىڭ دەنەسى تابىلدى.

كەيىن انىقتالعانداي، قاقتىعىسقا ونشاقتى ادام قاتىسقان. پوليتسەيلەر ولاردىڭ اتى-ءجونىن انىقتادى، ونىڭ ۇشەۋى تۇتقىندالدى.

«ءتيىستى ساراپتامالار تاعايىندالدى. قىلمىستىق كودەكستىڭ 99، 24 جانە 293-باپتارى بويىنشا ءىس قوزعالعان. وقيعا وبلىستىق تەرگەۋ باسقارماسىنىڭ جانە دەپارتامەنت باسشىلىعىنىڭ ەرەكشە باقىلاۋىندا»، - دەپ ءمالىم ەتتى وبلىستىق پوليتسيا دەپارتامەنتىنىڭ باسپا ءسوز قىزمەتى.

پوليتسيا قىلمىسقا قاتىسى بار ەكى پىشاق پەن ءۇش تەگىس ۇڭعىلى اڭشى قارۋىن تاپتى. ولار ايعاق رەتىندە ءىس ماتەريالدارىنا تىركەلگەن. قاقتىعىستىڭ سەبەپتەرى مەن ءمان-جايى انىقتالىپ جاتىر.

سوڭعى جاڭالىقتار