پاۆلودار وبلىسىنا جاڭا اكىم تاعايىندالدى

ءوڭىردىڭ جاڭا باسشىسىن ق ر پرەمەر-ءمينيسترى اسقار مامين تانىستىردى.

ءابىلقايىر باقتىباي ۇلى سقاقوۆ 1974-جىلى پاۆلودار وبلىسىندا تۋعان.

اقمولا قارجى-ەكونوميكالىق تەحنيكۋمىن (سالىق بويىنشا قارجىگەر، 1995-جىل)؛ شاكارىم اتىنداعى سەمەي مەملەكەتتىك ۋنيۆەرسيتەتىن (ەكونوميست جانە قارجىگەر، 2000-جىل)؛ قازاق قۇقىقتانۋ جانە حالىقارالىق قاتىناستار ينستيتۋتىن (باكالاۆر-زاڭگەر، 2004-جىل)؛ م. ۆ. لومونوسوۆ اتىنداعى ماسكەۋ مەملەكەتتىك ۋنيۆەرسيتەتىن («Master of Business Administration» ىسكەرلىك اكىمشىلىك شەبەرىنىڭ دارەجەسى، 2017-جىل) اياقتاعان.

ەڭبەك ءوتىلى:

- 1995-جىلدان 2005-جىلعا دەيىن - پاۆلودار وبلىسى بويىنشا سالىق ينسپەكتسياسىنىڭ مامانى، سالىق ينسپەكتورى، اعا سالىق ينسپەكتورى، ءبولىم باستىعى، پاۆلودار قالاسى بويىنشا سالىق كوميتەتى ءتوراعاسىنىڭ ورىنباسارى؛

- 2005-2006-جىلدارى - پاۆلودار وبلىسى قاشىر اۋدانى بويىنشا سالىق كوميتەتىنىڭ ءتوراعاسى؛

- 2006-2008-جىلدارى - پاۆلودار وبلىسى دەنساۋلىق ساقتاۋ دەپارتامەنتى ديرەكتورىنىڭ ورىنباسارى (ەكونوميكا جانە قارجى بويىنشا)؛

- 2008-2010-جىلدارى - پاۆلودار وبلىسى بويىنشا سالىق دەپارتامەنتىنىڭ پاۆلودار قالاسى بويىنشا سالىق باسقارماسىنىڭ باستىعى؛

- 2010-2012-جىلدارى - قوستاناي وبلىسى بويىنشا سالىق دەپارتامەنتىنىڭ باستىعى:

- 2012-2014-جىلدارى - قازاقستان رەسپۋبليكاسى قارجى مينيسترلىگىنىڭ سالىق كوميتەتى ءتوراعاسىنىڭ ورىنباسارى؛

- 2014-جىلدان 2016-جىلعا دەيىن - استانا قالاسى بويىنشا مەملەكەتتىك كىرىستەر دەپارتامەنتىنىڭ باسشىسى؛

- 2016-جىلعى 1- جەلتوقساننان - 2019-جىلدىڭ ساۋىرىنە دەيىن - قورعانىس ءمينيسترىنىڭ ورىنباسارى (ەكونوميكا جانە قارجى بويىنشا).

- 2019-جىلدىڭ ساۋىرىنەن سوڭعى تاعايىنداۋعا دەيىن ق ر قارجى مينيسترلىگى قارجى مونيتورينگى كوميتەتىنىڭ ءتوراعاسى.

مەملەكەتتىك جانە ۆەدومستۆولىق ناگرادالارى:

ءتوس بەلگىلەر: «قازاقستان رەسپۋبليكاسىنىڭ تاۋەلسىزدىگىنە 20 جىل» (2011)، «ەرەڭ ەڭبەگى ءۇشىن» (2014)؛ سالىق قىزمەتىنىڭ ۇزدىگى (2011)، قارجى قىزمەتىنىڭ ۇزدىگى (2012)، مەملەكەتتىك قىزمەت ۇزدىگى (2014).