تۇركىستاندىق عالىمدار قىزىل قۇرتتان بيوگۋمۋس ءوندىرۋدى قولعا الدى

None
None
نۇر-سۇلتان. قازاقپارات –  تابيعي تازا تىڭايتقىش ءونىم كولەمىن ەسەلەپ ارتتىرۋعا مۇمكىندىك بەرەدى دەيدى عالىمدار، دەپ حابارلايدى «حابار 24».

 ەلباسى جولداۋىندا اۋىل شارۋاشىلىعىن ەل ەكونوميكاسىنىڭ نەگىزگى درايۆەرىنە اينالۋى تۋرالى باسىم باعىت بار. بۇل سالانى دامۋى ءۇشىن ونىمدىلىكتى ارتتىرۋ قاجەت. بيوگۋمۋس -  تابيعي تازا تىڭايتقىش. قازاقشا ايتقاندا كوڭ. دەگەنمەن ايىرماشىلىعى بار. مالدىڭ تەزەگىنىڭ قىشقىلدىعىن ازايتۋ ءۇشىن ونى كاليفورنيا قىزىل قۇرتىنا جەگىزەدى. وسىلاي وڭدەلگەن تىڭايتقىش باقشا داقىلدارىنان الىناتىن ءونىم كولەمىن ەسەلەپ ارتتىرادى. ال وڭدەلمەگەن كوڭ ەگىستىكتى كۇيدىرىپ جىبەرۋى مۇمكىن دەيدى عالىمدار.

التىنبەك ابسەيىت، ح ق ت ۋ ەكولوگيا عىلىمي زەرتتەۋ ينستيتۋتىنىڭ كىشى قىزمەتكەرى:

 -  مىسالى، وزگە تىڭايتقىشتارمەن وڭدەلگەن قيار ءبىر تۇبىنەن ءبىر كۇندە ءبىر قيار شىعارسا، مۇندا ءبىر تۇبىنەن 5-6 قيار ءوسىپ شىعادى. قازاق- تۇرىك ۋنيۆەرسيتەتىنىڭ زەرتحاناسىندا بيوورگانيكالىق تىڭايتقىش قۇرعاق جانە سۇيىق تۇرىندە دايىندالادى. قۇرعاعى توپىراققا ارالاستىرىلسا، سۇيىق تىڭايتقىشتىڭ 1 ليترى 100 ليتر سۋمەن ارالاستىرىلادى. ودان كەيىن سۋ ارقىلى ەگىستىككە جىبەرەدى.

امانگۇل اقباسوۆا، ح ق ت ۋ ەكولوگيا عىلىمي زەرتتەۋ ينستيتۋتىنىڭ ديرەكتورى:

-  بيوورگانيكالىق تىڭايتقىشتىڭ تيىمدىلىگى، وزگە تىڭايتقىشتاردان ارتىقشىلىعى ونىمدىلىكتى 7-8 ەسەگە دەيىن ارتىق بەرەدى. ەگەر تاپسىرىس تۇسسە، قاجەتتى مولشەردى دايىنداپ بەرە الامىز. بۇگىندە زەرتحانادا 2 توننادان استام دايىن ءونىم تۇر.

اتالعان جوباعا پاتەنت بەرىلگەن. سونىمەن قاتار مەملەكەت تاراپىنان بەرىلگەن ارنايى گرانتتى دا جەڭىپ الىپتى.

www.24.kz

سوڭعى جاڭالىقتار