الەمنىڭ قوس مىقتىسى رەكورد جاڭارتتى

None
None
نۇر-سۇلتان. قازاقپارات - بۇل كۇندەرى فۋتبول الەمىندە قوس مىقتى سانالىپ جۇرگەن كريشتيانۋ رونالدۋ مەن ليونەل مەسسي دەمالىس كۇندەرى كەزەكتى رەكوردتارىن ورناتتى.

رونالدۋ ونەر كورسەتەتىن تۋريندىك «يۋۆەنتۋس» يتاليا چەمپيوناتى اياسىندا «پارما» كومانداسىمەن كەزدەسىپ، 2:1 ەسەبىمەن جەڭىسكە جەتتى. پورتۋگاليالىق ويىنشى 43 جانە 58- مينۋتتاردا گول سوعىپ، دۋبل اۆتورى اتانىپ قانا قويماي، كومانداسىنا جەڭىس اپەردى. وسىلايشا جەتى ماتچتا قاتارىنان گول سوققان كريشتيانۋ رونالدۋ كەزەكتى رەكوردىن جاڭارتتى.

 سوڭعى 15  جىلدا «يۋۆەنتۋستىڭ» ءبىر دە ءبىر فۋتبولشىسى مۇنداي كورسەتكىشكە جەتپەگەن. سونداي- اق «كريرو» ەۋروپانىڭ ەڭ مىقتى ليگالارىندا 14 ماۋسىم قاتارىنان 15 گولدان كوپ سوققان العاشقى ويىنشى اتاندى. پورتۋگاليالىق فۋتبولشى 2006/07 -جىلعى ماۋسىمنان بەرى 414 گول سوققان ەكەن. ونىڭ باستى باسەكەلەسى ليونەل مەسسي دە قاراپ جاتپادى.

 كاتالونيالىق «بارسەلونا» يسپانيا چەمپيوناتىندا «گرانادانى» جەڭدى. ماتچتىڭ تاعدىرىن شەشكەن جالعىز دوپتى مەسسي 76- مينۋتتا سوقتى. بۇل گولدىڭ ارقاسىندا ارگەنتينالىق فۋتبولشى يسپانيا چەمپيوناتىندا 16 كۇنتىزبەلىك جىل بويى گول سوققان العاشقى ويىنشى اتاندى. ازىرگە ەۋروپانىڭ ۇزدىك 5 ليگاسىندا تەك ءۇش فۋتبولشى مەسسيدەن كوپ كورسەتكىشكە يە. كريشتيانۋ رونالدۋ -  18, «ۆەرونا» شابۋىلشىسى دجامپاولو پاتستسيني مەن «بوردونىڭ» ويىنشىسى دجيممي بريان 17 جىل بويى ۇزبەي گول سوعىپ كەلەدى. 

Massaget.kz 

سوڭعى جاڭالىقتار