14:32, 20 - قاڭتار 2020 | GMT +6
الەمنىڭ ەڭ جاس ميللياردەرى ءوز اتىنا مۋزەي اشپاق
نۇر-سۇلتان. قازاقپارات - سوڭعى جىلدارى جاسى 30 عا دەيىنگى ميللياردەر ءتىزىمىنىڭ ءبىرىنشى ساتىسىنان تۇسپەي كەلە جاتقان كايلي دجەننەر ءوز اتىنا مۋزەي اشادى دەگەن اقپارات پايدا بولدى.
رەسمي مالىمەت بويىنشا، كايلي ا ق ش- تىڭ پاتەنتتەر مەن تاۋار بەلگىلەرى بيۋروسىنا ەكى بىردەي ساۋدا ماركاسىن تىركەۋ تۋرالى ءوتىنىم بەرگەن.
ولاردىڭ ءبىرىنشىسى - Kylie Kon. بۇل اتاۋداعى برەند ءتۇرلى شارالار، ارنايى كەزدەسۋلەر، كونفەرەنتسيالار مەن كورمەلەر، سەمينارلار مەن بيۋتي- ۆوركشوپتار ۇيىمداستىرۋمەن اينالىسادى.
كايلي دجەننەر تىركەۋگە ۇسىنعان ەكىنشى ماركا - Kylie Museum. بۇل دا وفلاين-شارالارعا ارنالعان پلاتفورما بولادى.
كايلي مۋزەيىنە قانداي ەكسپوزيتسيالار قويىلاتىنى ازىرگە بەيمالىم. ءبىراق Forbes ميللياردەرى ءتىزىمىن باستاۋشى ءارى Kylie Cosmetics بيۋتي-يمپەرياسىنىڭ نەگىزىن قالاۋشى رەتىندە ونىڭ جۇرتشىلىققا كورسەتەرى بار ەكەنى انىق.
Massaget.kz