الماتىدا الاتاۋ اۋدانىنىڭ بۇرىنعى اكىمى ەكى ايعا قامالدى
«سوتقا دەيىنگى تەرگەۋ ورگانى سانكسيا بەرۋ ءۇشىن تەرگەۋ سوتىنا جۇگىندى. تەرگەۋ سوتىنىڭ قاۋلىسىمەن كۇدىكتى شاحمەردەن رىسپايەۆقا قاتىستى ەكى اي مەرزىمگە كۇزەتپەن ۇستاۋ تۇرىندەگى بۇلتارتپاۋ شاراسى سانكسيالاندى»، - دەدى الماتى قالالىق سوت باسپا ءسوز قىزمەتىنىڭ وكىلدەرى.
الاتاۋ اكىمىنىڭ ورىنباسارى سايات اعىمايەۆ تا وسى مەرزىمگە قامالدى.
ەستەرىڭىزگە سالايىق، 2020-جىلى 18- قاڭتاردا الماتى قالاسىنىڭ سىبايلاس جەمقورلىققا قارسى قىزمەتى سىبايلاس جەمقورلىق قىلمىس جاسادى دەگەن كۇدىكپەن الماتى قالاسى الاتاۋ اۋدانىنىڭ اكىمى، ونىڭ ورىنباسارى، سونداي-اق وسى اۋدان اكىمى اپپاراتى مادەنيەت جانە تىلدەردى دامىتۋ ءبولىمىنىڭ باسشىسىن اشكەرەلەدى.
ولار 2019-جىلى «وڭىرلەردى 2020-جىلعا دەيىن دامىتۋ» مەملەكەتتىك باعدارلاماسى بويىنشا بولىنگەن بيۋجەت قاراجاتىن ءىرى مولشەردە ۇرلادى دەگەن كۇدىككە ىلىنگەن. سونداي-اق، كەيىن الاتاۋ اۋدانى ەكس-اكىمىن تۇتقىنداۋ ءساتىنىڭ ۆيدەوسى تارادى.