كولىك پوليتسياسىندا سپورت شەبەرلەرى مەن الەم چەمپيوندارى قىزمەت ەتەدى

None
None
نۇر-سۇلتان. قازاقپارات – ق ر ءى ءى م كولىكتەگى پوليتسيا دەپارتامەنتىنىڭ قۇرىلىمىندا دەنە شىنىقتىرۋ دايىندىعى - كاسىبي دايارلىقتىڭ ماڭىزدى جانە اجىراماس بولىگى سانالاتىن كوپتەگەن ماماندىق وكىلدەرى وزدەرىنىڭ جەدەل-قىزمەتتىك مىندەتتەرىن ابىرويمەن اتقارۋدا.

بۇل جونىندە ۆەدومستۆونىڭ باسپا ءسوز قىزمەتىنە سىلتەمە جاساپ قازاقپارات حابارلايدى.

قىزمەتكەرلەردى كۇرەسۋدىڭ جاۋىنگەرلىك تاسىلدەرىنە، اتىس جانە دەنە شىنىقتىرۋ دايىندىعى بويىنشا ساباقتارعا وقىتۋدى دەپارتامەنتتىڭ ارنايى جانە جۇمىلدىرۋ دايارلىعى باسقارماسى جۇرگىزەدى.

«جاتتىعۋلار كەزىندە كۇندەلىكتى قىزمەتكە قاجەتتى، كۇرەس پەن قويان-قولتىق ۇرىس تاسىلدەرىن قولدانۋ، ەكسترەمالدى جاعدايلاردا جەكە قاۋىپسىزدىك داعدىلارىن، سونداي-اق قۇقىققا قارسى ارەكەتتەردىڭ جولىن كەسۋ كەزىندە ارنايى قۇرالدار مەن تابەلدىك قارۋدى قولدانۋ تاسىلدەرى پىسىقتالادى»، - دەيدى ارنايى جانە جۇمىلدىرۋ دايارلىعى باسقارماسىنىڭ باستىعى تالعات قوجابايەۆ.

كولىك پوليتسەيلەرى حالىقارالىق جانە رەسپۋبليكالىق دەڭگەيدە وتەتەىن جارىستارعا ۇدايى قاتىسىپ، جۇلدەلى ورىندارعا يە بولىپ ءجۇر.

بۇگىنگى كۇنى قىزمەتكەرلەرىنىڭ اراسىندا حالىقارالىق دارەجەدەگى سپورت شەبەرلەرى، كۇش قۇرىلىمدارى اراسىنداعى الەم چەمپيوندارى، «قازاق كۇرەسى»، سامبو جانە دزيۋدو بويىنشا بىرنەشە دۇركىن چەمپيوندارى قىزمەت ەتۋدە.

ماسەلەن، پوليتسيا پودپولكوۆنيگى تالعات قوجابايەۆ حالىقارالىق دارەجەدەگى سپورت شەبەرى، كۇش قۇرىلىمدارى اراسىنداعى ءۇش دۇركىن الەم چەمپيونى، قازاق كۇرەسىنەن، سامبودان جانە دزيۋدودان بىرنەشە دۇركىن الەم چەمپيونى. ول ا ق ش- تا الەمنىڭ 67 ەلىنىڭ پوليتسيا قىزمەتكەرلەرى اراسىنداعى دۇنيەجۇزىلىك ويىنداردا 2- ورىندى يەلەنگەن.

پوليتسيا اعا لەيتەنانتى جىگەر ساكەن ۇلى - سامبودان ءۇش دۇركىن الەم چەمپيونى، «قازاق كۇرەسى»، دزيۋدو جانە سامبودان سپورت شەبەرى.

پوليتسيا اعا سەرجانتى ايدوس ابدول ۇلى - سامبودان ەۋرازيا چەمپيونى، قازاقستان رەسپۋبليكاسى چەمپيوناتىنىڭ كۇمىس جۇلدەگەرى.

قىزمەتكەرلەردىڭ سپورتتىق شەبەرلىگىنىڭ دەڭگەيىن ارتتىرۋ، سالاۋاتتى ءومىر سالتى مەن سپورتتى ناسيحاتتاۋ ءۇشىن دەپارتامەنتتىڭ جەكە قۇرامى اراسىندا سپورتتىڭ ءار ءتۇرى («قازاق كۇرەسى»، سامبو، ميني-فۋتبول، ۆولەيبول جانە ت. ب.) بويىنشا سپورتتىق ءىس-شارالار وتكىزۋ داستۇرگە اينالعان.

ماسەلەن، جىل سايىن ىشكى ىستەر ورگاندارى مەن نۇر-سۇلتان گارنيزونى ۇلتتىق ۇلانىنىڭ اسكەري قىزمەتشىلەرى اراسىندا دەپارتامەنت باستىعىنىڭ كۋبوگىنا «قازاق كۇرەسى» بويىنشا جارىستار وتكىزىلەدى. بۇل دودالاردا دا دەپارتامەنتتىڭ قۇراما كومانداسى ۇنەمى جەڭىستىڭ بيىك تۇعىرىنان كورىنۋدە.

«سپورتشىلارىمىزدىڭ جەتىستىكتەرىن - قوعامداعى پوليتسيا قىزمەتىنىڭ ابىرويى مەن بەدەلىن ارتتىرۋعا قوسقان سۇبەلى ۇلەسى دەپ سانايمىز»، - دەيدى ساقشىلار.




سوڭعى جاڭالىقتار