ءبىز جاققا جىبەرسەڭشى ءبىر تراكتور: ش ق و- دا بەلۋاردان كەلەتىن قاردى جىرعا قوسقان اقىننىڭ ۆيدەوسى تارادى
سوڭعى كۇندەرى شىعىس قازاقستاندا تولاسسىز قار جاۋىپ، جولدار جابىلۋدا. كوكپەكتى اۋدانىندا قار ءتىپتى بەلۋاردان كەلەدى ەكەن. ونى ايتىسكەر اقىن فارحات مارات ۇلىنىڭ تۇسىرگەن ۆيدوسىنان كورۋگە بولادى.
دومبىرا ۇستاعان ول بىلاي دەپ جىرلاعان:
«ءبىز جاقتا قارلى بوران بۇرقىراپ تۇر،
فارحات تا دومبىراسىن جۇلقىلاپ تۇر.
اكيماتتىڭ وڭ قولى - ماعجان قايدا،
ءبىز جاققا جىبەرسەڭشى ءبىر تراكتور، ايحاي-احوۋ».
قازىرگى جاعدايدى ءبىلۋ ءۇشىن اقىننىڭ وزىنە حابارلاسىپ كوردىك.
- كەشە ءتۇنى بويى جاۋعان قار، بۇگىن دە تولاستار ەمەس. سونىڭ سالدارىنان جولعا شىعايىن دەپ وتىرعان كەي اۋىل تۇرعىندارى وسىندا قامالىپ قالدى. مۇنداعى تەحنيكالاردىڭ قاردى تازالاۋعا مۇرشاسى جەتپەي جاتىر، - دەيدى فارحات مارات ۇلى.
ەستەرىڭىزگە سالا كەتسەك، وسىعان دەيىن ش ق و- دا قار قۇرساۋىنان 200 دەن استام ادام قۇتقارىلعان بولاتىن.