ەلوردادا «دونور كۇنى» قايىرىمدىلىق اكسياسى ءوتتى

None
None
نۇر-سۇلتان. قازاقپارات - ەلوردالىق قازاقستان حالقى اسسامبلەياسى ترانسفۋزيولوگيا عىلىمي-وندىرىستىك ورتالىعىمەن بىرلەسە وتىرىپ «دونور كۇنى» قايىرىمدىلىق اكسياسىن ۇيىمداستىردى.

بۇل جونىندە نۇر-سۇلتان قالاسى اكىمدىگىنىڭ جانىنداعى «قوعامدىق كەلىسىم» ك م م باسپا ءسوز قىزمەتى حابارلادى.

اكسيانىڭ باستى ماقساتى - دونورلىقتى دارىپتەۋ، قان مەن ونىڭ كومپونەنتتەرىنىڭ سانىن ارتتىرۋ، قايىرىمدىلىققا اتسالىسۋ.

كۇننىڭ قولايسىزدىعىنا قاراماستان كورسەتىلگەن ۋاقىتتان باستاپ ەلوردالىق ەتنومادەني ورتالىقتار وكىلدەرى، قالا تۇرعىندارى كەلە باستادى. ولار ورتالىق دايىنداعان بارلىق تالاپتاردى ورىنداپ، قان تاپسىردى.

«قان ورتالىعىنان قۇرىلعان ارنايى توپ، اپتا سايىن ءتۇرلى مەكەمەلەرگە بارىپ، دونورلاردى قابىلدايدى. اپتاسىنا شامامەن 70 ليتردەي قان جيناقتالادى. ەڭ بەلسەندى قاتىسۋشىلارعا «جاس دونور»، «دەنساۋلىق ساقتاۋ ۇلەسىنە قوسقان ەڭبەگى ءۇشىن» مەدالدارى مەن العىس حاتتار بەرىلەدى»، - دەپ اتاپ ءوتتى ترانسفۋزيولوگيا عىلىمي-وندىرىستىك ورتالىعىنىڭ تەراپيەۆت-دارىگەرى ايگەرىم ساعىنبايەۆا.

«دوستىق ۇيىندە قان تاپسىرۋ ءۇشىن وتە قولايلى جانە ىڭعايلى جاعداي ۇيىمداستىرىلعان. مەن 2008-جىلدان باستاپ دونور اتانىپ، بۇگىن 18- رەت قان تاپسىرۋدامىن. بۇل اكسيا جونىندە 2 كۇن بۇرىن بىلگەننەن كەيىن، ماي، وتكىر جانە ىستالعان تاعامدى پايدالانبادىم. دارىگەرمەن كەڭەس جۇرگىزىلدى، دەنە تەمپەراتۋرام، قان قىسىمىم ولشەندى»، - دەيدى وزبەك ەتنومادەني ورتالىعىنىڭ مۇشەسى گۋلامجان جۋمانوۆ.

بەلگىلەنگەن ۋاقىتقا دەيىن شامامەن 40 ادام كەلىپ، 25 ادام دونور اتاندى.

ايتا كەتەيىك، اتالمىش قايىرىمدىلىق اكسياسى - نۇر-سۇلتان قالاسى قازاقستان حالقى اسسامبلەياسىنىڭ «ەرىكتىلەر جىلىنداعى» العاشقى ءىس-شاراسى.

سوڭعى جاڭالىقتار