شىندىق - الەمدەگى ەڭ كۇلكىلى نارسە - داڭقتى بوكسشى مۇحاممەد ءالي
اڭىز سپورتشى 2016 -جىلدىڭ 3- ماۋسىمىندا ۇزاققا سوزىلعان دەرتتەن كوز جۇمدى. ءبىراق ءوزى دۇنيەدەن وتسە دە، جەتكەن جەتىستىكتەرى مەن سوزدەرى تاريحتا ماڭگى قالاتىنى انىق.
* ساعان الدىڭدا تۇرعان تاۋلار ەمەس، اياق كيىمىڭنىڭ ىشىندەگى تاستار كەدەرگى كەلتىرىپ تۇر.
* ۇتىمدى جاۋابىڭ بولماعاندا عانا، ۇنسىزدىگىڭ التىنمەن تەڭ.
* مۇمكىن ەمەس دەگەن - ۇساق ادامدار العا تارتاتىن بوسپە ءسوز. ولارعا وزگەرىس جاساعاننان گورى قالىپتى الەمدە ءومىر سۇرگەن ىڭعايلى. مۇمكىن ەمەس دەگەنىمىز - دالەل ەمەس. بۇل - بار جوعى پىكىر. مۇمكىن ەمەس دەگەن - ءوز- ءوزىڭدى كورسەتۋگە مۇمكىندىك. مۇمكىن ەمەس دەگەن ماڭگىلىك ەمەس. مۇمكىن ەمەس دەگەننىڭ ءوزى مۇمكىن.
* ادام جيىرما جاسىنداعى كوزقاراسىن ەلۋ جاسىندا دا وزگەرتپەسە، وندا ول ءوزىنىڭ وتىز جىل عۇمىرىن بەكەر جوعالتتى دەگەن ءسوز.
* ازىلدەگەنىم ادەتتە شىندىقتى ايتقانىم. شىندىق - الەمدەگى ەڭ كۇلكىلى نارسە.
* وزگەلەرگە كومەكتەسكەن سايىن وزىمىزگە كومەكتەسەمىز.
* جاتتىعۋداعى ءاربىر مينۋتتى جەك كورەتىنمىن، ءبىراق بىردە وزىمە: «كەتپە، قازىر قينال، سويتە تە قالعان ءومىرىڭدى چەمپيوندارشا ءسۇر» دەدىم.
* كىم- كىمنىڭ بىرەۋدى قامشىمەن سابايتىنداي مۇمكىندىگى باردا، الەمدە تىنىشتىق اتاۋلى ورنامايدى.
* قوراز جارىقتى كورگەندە شاقىرادى. قاراڭعىعا قاماپ قويساڭ، ول ەشقاشان شاقىرمايدى. مەن جارىقتى كوردىم، شاقىراتىنىم دا سوندىقتان!
* مەن سياقتى ۇلى ادامعا قاراپايىم بولۋ قيىن ەكەن.
* ەگەر سەن دۇرىس ايتساڭ، ول ەشكىمنىڭ ەسىندە دە ساقتالمايدى. ال قاتەلىك جاساساڭ، ونى ەشكىم ەشقاشان ۇمىتپايدى.
* كاسسيۋس كلەي - قۇلداردىڭ ەسىمى. ونى تاڭداعان مەن ەمەس. مەن مۇحاممەد ءاليمىن! تاۋەلسىز ادامنىڭ ەسىمى. ماعىناسى - «قۇدايدىڭ سۇيىكتىسى». سوندىقتان مەنىمەن سويلەسكەندە نەمەسە مەن تۋرالى ءسوز قوزعالعاندا وسى ەسىمدى قولدانۋدى تالاپ ەتەمىن.
* مەنىڭ ەسىمىم - سوڭعى پايعامباردىڭ اتى. پايعامبار ەسىمىنىڭ تاباننىڭ استىندا تاپتالۋىنا رۇقسات بەرمەيمىن.
* چەمپيون جاتتىعۋ زالدارىندا ەمەس، ىشتەگى قۇلشىنىس، ارمان، ماقسات ارقىلى پايدا بولادى.
* ەڭ قيىن ايقاس - ول باقىت ءۇشىن جالقاۋلىقپەن كۇرەس.
* ماعان اۋىر جەكپە- جەك - پاركينسون اۋرۋىمەن بولعان جەكپە- جەك. سىزداپ جانىڭا باتاتىنداي ەمەس. مۇنى ءتۇسىندىرۋ قيىن. ماعان بەرىلگەن سىناق بۇل: ءارى قاراي جالبارىنا بەرەم بە، سەنىمىمدى ساقتاپ قالامىن با؟ قۇداي ۇلى ادامداردىڭ بارلىعىنا سىناق بەرەدى ەكەن.
* ماقساتىڭىز قانداي بولسا دا، وعان تەك ەڭبەكتەنگەندە عانا جەتەسىز.
* قۇداي ەشقاشان ادامنىڭ شاماسى جەتپەيتىن اۋىرتپالىقتاردى بەرمەيدى.
* ءبىزدىڭ ءومىرىمىز ازعانتاي عانا، وتە شىعادى. ءبىراق قۇداي ءۇشىن ءبىر نارسە جاساڭىزدارشى، سوندا ءومىر ماڭگى بولادى.
* مەيىرىم - ول مەنىڭ انام.
* ءتۇسىڭدى شىندىققا اينالدىرۋدىڭ ەڭ ءتيىمدى ءادىسى - ويانۋ.
* ءوزىڭنىڭ اقىلسىز ەكەندىگىڭدى مويىنداۋدىڭ ءوزى اقىلدىلىق.
* مەنىڭ ءبىر تۇسىنبەيتىنىم - سوعىس.
* ءبىر عانا نارسە تىلەيمىن، ادامدار ءبارىن دە مەنى جاقسى كورگەندەي جاقسى كورسە ەكەن. سوندا الەم باسقاشا بولار ەدى...
* قانداي ۇلت ەكەنىڭنىڭ قانداي ماڭىزى بار؟ سەن ەڭ الدىمەن ادامسىڭ. مۇنى ەشقاشان ۇمىتا كورمە. ۇلتىڭمەن ماقتانىپ داندايسىما، سەبەبى جامان نەمەسە جاقسى ۇلت بولمايدى. قۇدايدىڭ الدىندا ءبارىمىز بىردەيمىز.
* تۇسىڭدە مەنى ۇرىپ جاتقانىڭدى كورسەڭ، تەز ويان دا مەنەن كەشىرىم سۇرا.
* تاۋەكەلگە باتىلى جەتپەگەن ادام ومىردە ەشقانداي جەتىستىككە جەتە المايدى.
* دوستىقتى ءتۇسىندىرۋ وتە قيىن. ول مەكتەپتە وقىعانىڭىز ەمەس. ەگەر دە دوستىقتىڭ ءمانىن تۇسىنبەگەن بولساڭىز، وندا ءسىز ەشتەڭە دە تۇسىنبەگەنسىز.
دايىنداعان: ءمادينا اسىلبەك
www.24.kz