جەر بەتىندەگى ەڭ قاۋىپتى جىلاندار - فوتو

None
None
نۇر- سۇلتان. قازاقپارات - جىلاندار - عاجايىپ جاراتىلىس. ولار قانشا جۇمباق ءارى ادەمى بولىپ كورىنگەنمەن، ادام ومىرىنە قاۋىپ توندىرەدى. سوندىقتان بۇلاردان ساق بولعانىمىز ءجون.

بۇگىن ءبىز سىزدەرگە جەر بەتىندەگى ەڭ قاۋىپتى جىلاندار تۋرالى ايتامىز.

1. ىسىلداعىش ۋلى جىلان


بۇل جىلان شۇڭقىر باستى جىلاندار تۇقىمداسىنا جاتادى. باس سۇيەگىندە كىشكەنە ويىق بولعاسىن ولاردى وسىلاي اتاپ كەتكەن. قاۋىپ-قاتەر تونگەن كەزدە ولار قۇيرىعىمەن سوعادى. ىسىلداعىش ۋلى جىلاندار وڭتۇستىك-شىعىس ازيا مەن امەريكا ەلدەرىندە كوپتەپ كەزدەسەدى. رەسەي تەرريتورياسىندا دا ەكى ءتۇرى بار.

2. قارا مامبا


قارا مامبا - افريكادا كەڭىنەن تارالعان ۋلى جىلان. اۋىز جاعى قارا بولعاندىقتان ونى وسىلاي اتاعان. بۇل جىلاننىڭ قوزعالىس جىلدامدىعى - ساعاتىنا 25 كيلومەتر. شاققاندا دا وتە شاپشاڭ قيمىلدايدى.

3. لەنتالى كرايت


بۇل اسپيد تۇقىمداسىنا جاتاتىن ۋلى جىلان ءتۇرى. ءۇندىستاننىڭ تروپيكالىق ورماندارىنان، قىتايدىڭ وڭتۇستىگىنەن جانە بيرمادان كەزدەستىرۋگە بولادى. ولار سۋدا ءومىر سۇرگەندى سۇيەدى. كەيدە بۇلاردى ۇيالشاق جىلاندار دەپ تە اتايدى. سەبەبى ولار باستارىن قۇيرىعىنىڭ استىنا تىعىپ جۇرەدى.

4. جولبارىس جىلان


جولبارىس جىلاندار اۋستراليانىڭ وڭتۇستىك-شىعىسىندا، تاسمانيا ارالدارى مەن جاڭا گۆينەيادا مەكەندەيدى. كوبىنە ورماندا، كوگالدا، جايىلىمدا، كەڭىستىكتە جۇرگەندى ۇناتادى. بۇل جىلاننىڭ ۋى ادامدى ولىمگە دەيىن اپارادى.

5. مەيىرىمسىز جىلان


بۇل اسا قاۋىپتى جىلان دا اۋستراليادا تىرشىلىك ەتەدى. ونىڭ ۋى 100 ادامدى ولتىرۋگە دەيىن جەتەدى.

massaget.kz


سوڭعى جاڭالىقتار