09:49, 17 - ءساۋىر 2021 | GMT +6
الماتىدا ءبىر كۇندە 9 مىڭنان استام ادام ۆاكسينا سالدىردى
الماتى. قازاقپارات - الماتى قالاسى بويىنشا سوڭعى تاۋلىكتە 9140 ادام ۆاكسينا سالدىردى، دەپ حابارلايدى قازاقپارات ءتىلشىسى.
«16 -ءساۋىر كۇنى 9140 الماتىلىق ۆاكسينا سالدىردى»، - دەپ حابارلادى قالالىق قوعامدىق دەنساۋلىق ساقتاۋ باسقارماسىنىڭ باسپا ءسوز قىزمەتى.
بيىلعى جىلدىڭ 1 - اقپانى مەن 16 - ءساۋىر ارالىعىندا 126099 ادامعا ەكپە سالىندى. الماتى قالاسىندا ۆاكسيناتسيا جوسپارعا سايكەس جۇرگىزىلۋدە جانە ءساۋىردىڭ 11-24 ارالىعىندا 100000-نان استام ادامدى ك ۆ ي- گە قارسى يممۋنداۋ جوسپارلانعان. بۇگىنگى كۇنى قالادا 203 پۋنكت جۇمىس ىستەپ جاتىر، 1809 ادامنان تۇراتىن 406 ەگۋ بريگاداسى بار. سونداي- اق، ءا. قاستەيەۆ اتىنداعى ونەر مۇراجايىندا (ساتپايەۆ ك- ءسى) اشىلىعان ۆاكسينالاۋ پۋنكتى ءوز جۇمىسىن باستادى. جۇمىس ۋاقىتى: 08:00-دەن 20:00-گە دەيىن.
ايتا كەتەيىك، 15 -ءساۋىر كۇنى ناۋرىزباي اۋدانىنداعى «تاۋ سامالى» بازارىندا ۆاكسيناتسيا پۋنكتى اشىلدى.
اۆتور: الما مۇقانوۆا