تۇركيادا 9 جاستاعى قازاقستاندىق بالانى كولىك قاعىپ كەتتى
تۇركيانىڭ ب ا ق- تارىندا قازاقستاننان كەلگەن 9 جاستاعى بالانى كولىك قاعىپ كەتكەنى تۋرالى حابارلاما تاراعان ەدى. ونداعى اقپاراتقا سايكەس، جول- كولىك وقيعاسى انتاليا پروۆينتسياسىنداعى الانيا اۋدانىنىڭ قارعىدجاق اۋىلىندا بولعان. كولىك جولدان ءوتىپ بارا جاتقان بالانى - قازاقستاننىڭ ازاماتىن قاعىپ كەتكەن. وقيعا ورنىنا بىردەن جەتكەن مەديتسينالىق بريگادا بالانى مەملەكەتتىك اۋرۋحاناعا جەتكىزگەن. الايدا جاس بالا امان قالماپتى. جول- كولىك وقيعاسىنان كەيىن بالانى جاندەرمەريا ۇستاپ، بولعان وقيعاعا قاتىستى تەرگەۋ باستالعان. كۋاگەرلەردىڭ ايتۋىنشا، بالا وتباسىمەن كەلە جاتىپ، جولدان ءوتىپ ۇلگەرمەگەن. ق ر سىرتقى ىستەر مينيسترلىگى وقىس وقيعانىڭ بولعانىن راستادى.
«كوز جۇمعان بالانىڭ اتا- اناسى كونسۋلدىققا حابارلاسقان جوق. ءبىزدىڭ مالىمەتتەر بويىنشا ولار ۇلىن تۇركيا اۋماعىنا جەرلەگەن»، - دەپ حابارلادى ق ر س ءى م رەسمي وكىلى ايبەك سمادرياروۆ.