الماتىدا اقىن ءشومىشباي ساريەۆتىڭ 75 جىلدىعىنا ارنالعان فلەشبۋك باستالدى

اقىننىڭ ءومىرى مەن شىعارماشىلىعىنا ارنالعان «سەزىم اقىنى» اتتى فلەشبۋكتى ونلاين تاماشالاۋعا بولادى. ءشومىشباي ساريەۆ 1946 -جىلى 15-ساۋىردە قىزىلوردا وبلىسى، ارال اۋدانى، ءشومىش ستانساسىندا دۇنيەگە كەلگەن. ەڭبەك جولىن قازالى اۋداندىق «لەنين تۋى»، ارال اۋداندىق «تولقىن» گازەتتەرىنەن باستاعان.

كەيىننەن «قازاقستان» باسپاسىنىڭ رەداكتورى، «جۇلدىز» جۋرنالى ءبولىمىنىڭ مەڭگەرۋشىسى، قازاقستان رەسپۋبليكاسى ۇلتتىق عىلىم اكادەمياسى مۇحتار اۋەزوۆ اتىنداعى ادەبيەت جانە ونەر ينستيتۋتىنىڭ عىلىمي، اعا عىلىمي قىزمەتكەرى بولعان. 1971 -جىلى قاز م ۋ-دىڭ جۋرناليستيكا فاكۋلتەتىن بىتىرگەن. العاشقى جىر جيناعى 1974 -جىلى «بالداۋرەن» دەگەن اتپەن جارىق كورگەن. سودان بەرگى ارالىقتا قازاق، ورىس تىلدەرىندە ون بەس شاقتى كىتابى شىقتى.

«تارلان» سىيلىعىنىڭ يەگەرى. قازاقستاننىڭ ەڭبەك سىڭىرگەن قايراتكەرى ءشومىشباي ساريەۆ بيىل 15-اقپان كۇنى 75 جاسقا قاراعان شاعىندا قايتىس بولدى.