18:34, 06 - ءساۋىر 2020 | GMT +6
جانازاعا بارعان ەلوردالىق جامبىل وبلىسىنىڭ 6 تۇرعىنىنا كوروناۆيرۋس جۇقتىردى
تاراز. قازاقپارات - 6 -ساۋىردە جامبىل وبلىسىندا كوروناۆيرۋس ينفەكتسياسىن جۇقتىرۋدىڭ 6 جاعدايى انىقتالدى، دەپ حابارلايدى قازاقپارات coronavirus2020.kz سايتىنا سىلتەمە جاساپ.
ناۋقاستار 1958, 1963, 1968, 1971, 1988 جانە 2001 -جىلى تۋعان قورداي اۋدانىنىڭ تۇرعىندارى. الدىن الا مالىمەتتەر بويىنشا، ولار 17-ناۋرىزدا قورداي اۋدانىنا تۋىسىنىڭ جەرلەۋ راسىمىنە كەلگەن نۇر- سۇلتان قالاسىنىڭ 30 جاستاعى تۇرعىنىنان جۇقتىرعان.
«ولارمەن بايلانىستا بولعان ادامداردى انىقتاۋ، كارانتين ستاتسيونارىنا ورنالاستىرۋ، زەرتحانالىق زەرتتەۋگە ماتەريالداردى سارالاۋ جۇمىستارى جۇرگىزىلىپ جاتىر. بۇدان بولەك، سانيتارلىق- ەپيدەميالىق قىزمەت ولاردىڭ تۇرعىلىقتى مەكەنجايلارى مەن بولعان ورىندارىن دەزينفەكسيالاپ جاتىر»،- دەلىنگەن اقپاراتتا.