تۇركىستان وبلىسىندا ءبىر تاۋلىكتە تاعى 5 ادام ىندەت جۇقتىرعان

بۇل تۋرالى وبلىستىق توتەنشە جاعداي جونىندەگى شتاب مالىمەت تاراتتى، دەپ حابارلايدى قازاقپارات ءتىلشىسى.

ارنايى شتابتىڭ حابارلاۋىنشا، كوروناۆيرۋسقا شالدىققانداردىڭ قاتارىندا ەكى جاسار ءسابي مەن ەكى جاس ءوسپىرىم بار.

«ارىستىق 2018-جىلعى ءسابي، كەنتاۋ قالاسىنىڭ 1982-جىلعى، 2003-جىلعى، 2005-جىلعى تۇرعىندارىنان الىنعان تالداما ناتيجەلەرى بويىنشا ولاردىڭ ۆيرۋس جۇقتىرعانى انىقتالدى. ولاردىڭ بارلىعى شىمكەنتكە نۇر-سۇلتان باعىتىنداعى 076 پويىزبەن كەلگەن جەتىسايلىق ازاماتشامەن بايلانىستا بولعان ناۋقاستاردىڭ جاقىن تۋىستارى. ال، بەسىنشى ناۋقاس 1990-جىلى تۋعان جەتىساي اۋدانىنىڭ تۇرعىنى» دەلىنگەن حابارلامادا.

ايتا كەتەيىك، وڭىردە قازىر 33 ادامنان كوروناۆيرۋستىڭ بەلگىلەرى تابىلعان. جەتىسايدا - 12، كەنتاۋ-5، ورداباسى-1، سايرام-2، ماقتاارال-4، ارىس-6، سارىاعاش-1 تۇرعىنى ىندەتكە شالدىققان.