بەلگيادا 500 كۇننەن كەيىن ۇكىمەتتىڭ جاڭا قۇرامى بەكىتىلدى

باسقارۋشى كواليتسياعا جەتى ساياسي پارتيا ەندى. ەلدىڭ جاڭا پرەمەر-ءمينيسترى 1- قازان كۇنى تاڭەرتەڭ مونارحتىڭ الدىندا انت قابىلدادى، ال جەرگىلىكتى ۋاقىت بويىنشا ساعات 14:00 دە ەۋروپارلامەنت دەپۋتاتتارىنىڭ الدىندا ءسوز سويلەۋى كۇتىلگەن. وسىلايشا، بەلگيا تاريحىندا ۇزاق ۋاقىتقا سوزىلعان ۇكىمەتتىك داعدارىس اياقتالدى.

بۇل كەزەڭدە كورولدىكتەگى تولىققاندى زاڭدى ۇكىمەت 500 كۇننەن استام ۋاقىت بويى جۇمىس ىستەمەدى.

كواليتسياعا فلاماند جانە ءفرانتسۋزتىلدى سوتسياليستەر، ليبەرالدار، «جاسىل» جانە حريستيان دەموكراتيالىق پارتياسىنىڭ مۇشەلەرى كىردى.

الەكساندر دە كروو جاڭا ۆيتسە-پرەمەرلەر مەن جاڭا كابينەت مينيسترلەرىنىڭ ەسىمدەرىن جاريالادى.

بەلگيانىڭ جاڭا پرەمەر-ءمينيسترى الەكساندر دە كروو 44 جاستا، فلاماندتىق ليبەرالدى ساياساتكەر، ەكونوميست جانە بيزنەسمەن.

بەلگيا پرەمەر- ءمينيسترىنىڭ ورىنباسارى، قارجى جانە دامۋ ماقساتىنداعى ىنتىماقتاستىق ءمينيسترى قىزمەتتەرىن اتقارعان.

2009-جىلدان 2012-جىلعا دەيىن «اشىق فلاماندىق ليبەرالدار مەن دەموكراتتار» (Open VLD) پارتياسىنىڭ جەتەكشىسى بولدى. الەكساندر دە كروو - بەلگيانىڭ بۇرىنعى ءمينيسترى جانە وكىلدەر پالاتاسىنىڭ پرەزيدەنتى گەرمان دە كروونىڭ ۇلى.

1998-جىلى بريۋسسەلدەگى «Vrije « ۋنيۆەرسيتەتىندە بيزنەس- ينجەنەريا سالاسىندا جوعارى ءبىلىم العان.

2002-جىلى چيكاگوداعى سولتۇستىك- باتىس ۋنيۆەرسيتەتىندە وقىپ، كەللوگگ مەنەدجمەنت مەكتەبىندە ىسكەرلىك اكىمشىلىك ماگيسترى دارەجەسىن الدى.