كوروناۆيرۋس جۇقتىرعان 45 بالانىڭ تورتەۋى جازىلىپ شىقتى
«قازاقستاندا كوروناۆيرۋس جۇقتىرعان ادامداردىڭ ىشىندە 45 ءى بالالار. ولاردىڭ تورتەۋى اۋرۋحانادان جازىلىپ، شىعىپ قويعان. قالعاندارىنىڭ جاعدايىنىڭ دارەجەسى جەڭىل دەپ باعالانىپ وتىر»،- دەدى ايجان ەسماعامبەتوۆا و ك ق- دا وتكەن باسپا ءسوز ءماسليحاتىندا. ايجان ەسماعامبەتوۆا سونىمەن قاتار كوروناۆيرۋس ينفەكتسياسىن انىقتاۋ بويىنشا نۇر- سۇلتان مەن الماتى قالالارىندا ەكسپرەسس تەستتەن كىمدەردىڭ وتەتىنىن ايتتى.
«قازىرگى تاڭدا ەلگە 96 مىڭ تەست جەتكىزىلدى. ەكسپرەس تەستتەر نۇر-سۇلتان مەن الماتى قالالارىندا جۇرگىزىلەدى. تاۋلىگىنە 500دەن 1000عا دەيىن تەست جۇرگىزۋ جوسپارلانعان. سونىمەن قاتار مەنىڭ قاۋلىممەن ەكسپرەس تەستتەن وتەتىن ادامداردىڭ ساناتى بەلگىلەندى. ولار: جەدەل جاردەمنىڭ مەديتسينالىق قىزمەتكەرلەرى، جرۆي بەلگىلەرى بار اۋرۋحاناعا جاتقىزىلماعان ادامدار، كوروناۆيرۋس جۇقتىرعان اداممەن ەداۋىر قارىم- قاتىناستا بولعان ادامدار، سونداي- اق وتكىزۋ بەكەتتەرى ارقىلى اۆتووتكەلدەر مەن تەمىرجول وتكەلدەرىمەن كەلگەن ازاماتتار، توتەنشە جاعدايدا جۇمىس ىستەپ جۇرگەن جەرگىلىكتى اتقارۋشى ورگانداردىڭ قىزمەتكەرلەرى»،-دەدى ول.