پرەزيدەنت تاپسىرماسى: بولاشاق ۇستازدار 42 مىڭ تەڭگە شاكىرتاقىسىن الا باستادى

None
None
نۇر- سۇلتان. قازاقپارات - ءبىلىم جانە عىلىم ءمينيسترى اسحات ايماعامبەتوۆ مەملەكەت باسشىسىنىڭ ءبىلىم سالاسىنا قاتىستى تاپسىرمالارى قالاي ورىندالاتىنىن ءمالىم ەتتى، دەپ حابارلايدى قازاقپارات ءتىلشىسى.

«ۇلتتىق قوعامدىق سەنىم كەڭەسىنىڭ مامىر ايىنداعى وتىرىسىندا ءبىلىم مەن عىلىمدى دامىتۋ ماسەلەلەرى نەگىزگى تاقىرىپ بولدى. وتىرىس قورىتىندىسى بويىنشا مەملەكەت باسشىسى قاسىم- جومارت توقايەۆ ءبىلىم جانە عىلىم جۇيەسى ءۇشىن ماڭىزدى تاپسىرمالار بەردى. مىسالى، پەداگوگيكالىق ماماندىقتارعا تۇسەتىن ابيتۋريەنتتەرگە قويىلاتىن تالاپتاردى ارتتىرۋ جانە ستيپەنديا مولشەرىن 42 مىڭ تەڭگەگە دەيىن ۇلعايتۋ تاپسىرماسى بەرىلدى. وتكەن جىلى ستيپەنديا مولشەرى 21 مىڭ تەڭگەنى قۇراسا، پرەزيدەنتتىڭ تاپسىرماسىنان كەيىن جەلتوقسان ايىندا 26 مىڭ تەڭگەگە دەيىن ءوستى. ال 1- قىركۇيەكتەن باستاپ بولاشاق پەداگوگتەردىڭ ستەپەندياسى 42 مىڭ تەڭگە مولشەرىندە بولىپ وتىر»، - دەپ جازدى مينيستر Facebook پاراقشاسىندا.

ءمينيستردىڭ حابارلاۋىنشا، بۇل بارلىق ماماندىقتاردىڭ ىشىندەگى ەڭ جوعارعى ستيپەنديا بولادى. ايتا كەتەرلىگى، ستۋدەنتتەر كەشەدەن بەرى وسى ستيپەنديانى الا باستاعان. سونداي- اق، وسى جىلدىڭ ماۋسىم ايىنان باستاپ پەداگوگيكالىق ماماندىقتارعا ءتۇسۋ ءۇشىن شەكتى بالل بىردەن 70 كە دەيىن كوتەرىلگەن.

«پەداگوگ مارتەبەسى تۋرالى زاڭدى قابىلداۋدىڭ جانە اتقارىلعان شارالاردىڭ ارقاسىندا بيىل «التىن بەلگى» توسبەلگىسى يەگەرلەرىنىڭ اراسىندا پەداگوگيكالىق ماماندىقتى تاڭداعاندار سانى 1,7 ەسە ءوستى، ال كوپتەگەن باعىتتار بويىنشا ورتاشا بالل 100-دەن استى. ەگەر بىرنەشە جىل بۇرىن پەداگوگيكالىق ماماندىققا تۇسۋشىلەردىڭ ورتاشا بالى 65- ءتى قۇراسا جانە پەداگوگ ماماندىعى تۇلەكتەر اراسىندا كوپ سۇرانىسقا يە بولماسا، قازىر جوعارى بالل جيناعان مىقتى تۇلەكتەر پەداگوگيكالىق باعىتتار بويىنشا وقۋعا تۇسە باستادى»، - دەيدى ول.

اسحات ايماعامبەتوۆ سونىمەن بىرگە ۇقسك قورىتىندىسى بويىنشا بەرىلگەن تاپسىرمالار اياسىندا دوكتورانتتاردىڭ ستيپەندياسى 102 مىڭنان 150 مىڭ تەڭگەگە دەيىن وسكەنىن جەتكىزدى. مۇنداي شارا جاس عالىمداردى قولداۋ ءۇشىن وتە ماڭىزدى، ويتكەنى دوكتورانتتاردىڭ وتباسىلارى بار جانە ولار ءوز زەرتتەۋلەرىن جۇرگىزۋمەن اينالىسادى.

«بۇدان بولەك 2020 -جىلعى قىركۇيەك ايىنان باستاپ مەملەكەتتىك گرانتتىڭ قۇنى ايتارلىقتاي ءوستى. بۇل نەگە ماڭىزدى؟ بۇل جوعارى وقۋ ورىندارى وقىتۋشىلارىنىڭ جالاقىسىن ارتتىرىپ، ماتەريالدىق- تەحنيكالىق بازاسىن نىعايتۋعا مۇمكىندىك بەرەدى. پرەزيدەنتتىڭ ۇلتتىق قوعامدىق سەنىم كەڭەسىنىڭ قورىتىندىسى بويىنشا بەرگەن تاپسىرمالارىنىڭ بارلىعى ەرەكشە باقىلاۋدا جانە بەلگىلەنگەن مەرزىمدە ورىندالاتىن بولادى»، - دەپ ءتۇيدى مينيستر.

اۆتور: ايان بەكەن ۇلى

سوڭعى جاڭالىقتار