اتىراۋلىق زەينەتكەر 31 جىلدان كەيىن قازاقستان ازاماتى اتاندى
وبلىستىق پوليتسيا دەپارتامەنتى باسپا ءسوز قىزمەتىنەن ءمالىم ەتكەندەي، اتىراۋدا ءالى دە جەكە باسىن كۋالاندىراتىن قۇجاتسىز جۇرگەندەر بار. ولاردىڭ باسىم كوپشىلىگى - قازاقستان رەسپۋبليكاسىنىڭ زاڭىنا سايكەس كامەلەتكە تولماعان جاستا، سونداي-اق، ەسكى ۇلگىدەگى قۇجاتپەن كەلگەندەر.
«وسىعان بايلانىستى بۇل ساناتتاعى ازاماتتار مەملەكەتتىك قىزمەتتەن، سونداي-اق، جاردەماقى الۋ قۇقىعىنان ايىرىلعان. قازىر قۇجاتسىز جۇرگەن ازاماتتاردى انىقتاپ، ولاردى ق ر ازاماتىنىڭ نەمەسە ازاماتتىعى جوق ادامنىڭ قۇجاتتارىمەن قۇجاتتاندىرۋ ماقساتىندا ءتيىستى جۇمىستار جۇرگىزىلۋدە. جىل باسىنان بەرى 9 تۇرعىن قازاقستاننىڭ قۇجاتىن الدى»، - دەيدى وبلىستىق پوليتسيا دەپارتامەنتىنىڭ باستىعى قامزا ۇمبەتقاليەۆ.
ونىڭ ايتۋىنشا، اتىراۋ قالاسىندا تۇراتىن 63 جاستاعى زەينەتكەر 32 جاسىندا 1990-جىلعى ۇلگىدەگى ءتولقۇجاتتى العان. ودان كەيىن ەسكى ءتولقۇجاتتى اۋىستىرماعان. جاقىندا ول كوشى-قون قىزمەتكەرلەرىنىڭ كومەگىمەن قازاقستان رەسپۋبليكاسىنىڭ ازاماتى ەكەنىن كۋالاندىراتىن جەكە كۋالىككە يە بولعان.