ەلوردادا 300 مىڭ ادام ۆاكسينا قابىلداسا، ىندەتتىڭ ءوسۋى توقتايدى - دەنساۋلىق ساقتاۋ باسقارماسىنىڭ باسشىسى

None
None
نۇر-سۇلتان. قازاقپارات - قازىر ەلوردادا 100 دەن استام ەگۋ پۋنكتى جۇمىس ىستەيدى، ۆاكسيناتسيا تاڭعى 8 دەن تۇنگى 12 گە دەيىن جۇرگىزىلەدى.

بۇگىنگى تاڭدا كوروناۆيرۋسقا قارسى ۆاكسينانى 49 مىڭ قالا تۇرعىنى الدى، دەپ حابارلايدى قازاقپارات نۇر-سۇلتان اكىمدىگىنىڭ رەسمي سايتىنا سىلتەمە جاساپ.

ەلوردا اكىمىنىڭ ورىنباسارى باقتيار ماكەننىڭ توراعالىعىمەن نۇر-سۇلتاندا كوروناۆيرۋستىق ينفەكتسيانىڭ پايدا بولۋى مەن تارالۋىنا جول بەرمەۋ جونىندەگى كوميسسيانىڭ وتىرىسى ءوتتى.

قالا اكىمدىگىندە وتكەن كەڭەس بارىسىندا قالالىق قوعامدىق دەنساۋلىق ساقتاۋ باسقارماسىنىڭ باسشىسى تيمۋر مۇراتوۆ تۇرعىنداردى جاپپاي ۆاكتسيناتسيالاۋ قالاي جۇرگىزىلىپ جاتقانى تۋرالى ايتىپ بەردى.

«بۇگىنگى تاڭدا قالادا 100 دەن استام پۋنكتتە ۆاكسيناتسيا جۇرگىزىلۋدە. ءبىز كۇنىنە 5 مىڭنان استام ادامدى ۆاكسيناتسيالايمىز. قازىر بىزدە 49 مىڭ ادام ءبىرىنشى كومپونەنتپەن ۆاكتسيناتسيالاندى. وسىلايشا 50 مىڭ ادام 1- مامىرعا دەيىن يممۋندالعان بولادى. حالىقتىڭ بەلسەندىلىگى جامان ەمەس. ءبىز سونداي-اق ۇيىمداستىرىلعان ۇجىمدارعا كوشپەلى بريگادامەن بارىپ، سول جەردە ۆاكسيناتسيالاي الامىز»، — دەدى ت. مۇراتوۆ.

ول سونداي-اق ەمحانالاردان باسقا حالىقتى ۆاكسيناتسيالاۋ «Mega Silk Way» س و و- دا جۇرگىزىلىپ جاتقانىن ايتىپ ءوتتى.

جاقىن ارادا مۇنداي پۋنكتتەر «حان شاتىر»، «كەرۋەن» س و و- لارىندا اشىلادى.

«جىل سايىن تۇماۋعا قارسى ۆاكسينانى 130 مىڭ تۇرعىنعا سالامىز، بۇل — ەڭ وسال كونتينگەنت. وسىلايشا، بىزدە قىستى كۇنى تۇماۋ ەپيدەمياسى بولمايدى. بۇل جاعدايدى باقىلاۋدا ۇستايمىز. ەگەر قازىر كوروناۆيرۋسقا قارسى 300 مىڭ ۆاكسينا سالساق، اۋرۋ دەڭگەيى تومەندەر ەدى. ال 600 مىڭ قالا تۇرعىنى ۆاكتسيناتسيالانعان كەزدە جۇقتىرۋ قاۋپى بولمايدى»، — دەدى قالالىق قوعامدىق دەنساۋلىق ساقتاۋ باسقارماسىنىڭ باسشىسى.

وتىرىس سوڭىندا باقتيار ماكەن مۇددەلى مەملەكەتتىك ورگانداردىڭ بارىنە حالىق اراسىندا، ونىڭ ىشىندە ءىرى، سونداي-اق وزگە دە ۇجىمداردا ك ۆ ي- عا قارسى جاپپاي ۆاكسيناتسيالاۋ بويىنشا بەلسەندى ءتۇسىندىرۋ جۇمىستارىن جۇرگىزۋدى تاپسىردى.

سوڭعى جاڭالىقتار