باتىس قازاقستاندا ىندەت جۇقتىرعان 28 ادام جانساقتاۋ بولىمىندە جاتىر

None
None
ورال. قازاقپارات - باتىس قازاقستان وبلىسىندا كوروناۆيرۋس جۇقتىرعان 28 ادام جانساقتاۋ بولىمىندە جاتىر، دەپ حابارلايدى قازاقپارات ءتىلشىسى.

ب ق و دەنساۋلىق ساقتاۋ باسقارماسىنىڭ باسپا ءسوز قىزمەتى ءمالىم ەتكەندەي، 579 توسەكتىك 7 جۇقپالى اۋرۋلار ستاتسيونارىندا جاتقاندار سانى 295 كە جەتتى. سونداي- اق 185 توسەكتىك 4 كارانتين ستاتسيونارىندا 31 ادام ەمدەلۋدە. وسى كەزگە دەيىن وبلىستا ىندەتكە 9935 ادام شالدىقسا، سونىڭ 8600 ءى جازىلىپ شىقتى. 175 ادام كوز جۇمدى. سوڭعى تاۋلىكتە 47، ءبىر اپتادا 313 ادامنىڭ كوروناۆيرۋسپەن سىرقاتتانعانى بەلگىلى بولدى. پنيەۆمونيامەن اۋىرعان 256 ادام ستاتسيونارلىق، 51 ءى امبۋلاتورلىق ەم الدى. بۇل دەرتتەن 264 ادام قايتتى.

كۇنى بۇگىن جاساندى تىنىس الۋ اپپاراتىنا 1، ينۆازيۆتى ەمەس جاساندى تىنىس الۋ اپپاراتىنا 8، وتتەگى كونتسەنتراتورىنا 14، ورتالىقتاندىرىلعان وتتەگى كوزىنە 60 ادام قوسىلعان.

قاڭتار ايىندا وتباسى مۇشەلەرىنەن كوروناۆيرۋس جۇقتىرعان 43 بالا تىركەلدى. قاراشىعاناق كەنىشىن يگەرىپ جاتقان «قپو ب. ۆ. « كومپانياسىندا جىل باسىنان بەرى 14 ادام اۋىرسا، سونىڭ تورتەۋىنەن ۆاحتاعا كىرەر الدىندا، ۇشەۋىنەن ۆاحتالىق اۋىسىم بىتكەننەن كەيىن، جەتەۋىنەن جۇمىستان تىس ۋاقىتتا مەديتسينالىق كومەككە جۇگىنگەن كەزدە انىقتالدى.

چيناريەۆ كەن ورنىنداعى «جايىقمۇناي» ج ش س- ىندا قاڭتاردا 6 ادامنىڭ بىرەۋىنەن ۆاحتالىق اۋىسىمعا شىعار الدىندا، بەسەۋىنەن جۇمىستان تىس ۋاقىتتا كوروناۆيرۋس تابىلدى.

ەسكە سالا كەتەيىك، بۇدان بۇرىن باتىس قازاقستاندا جۇقپالى اۋرۋلار ستاتسيونارىندا 260 ادام ەمدەلىپ جاتقانىن جازعان بولاتىنبىز.

سوڭعى جاڭالىقتار