23-شىلدە ەل اۋماعىندا جاڭبىر جاۋىپ، جەل كۇشەيەدى

ەل اۋماعىندا جاڭبىر، باتىستا نوسەر جاۋىن جاۋادى، دەپ حابارلايدى قازاقپارات.

تەك ەلىمىزدىڭ سولتۇستىگى مەن وڭتۇستىگىندە جاۋىن- شاشىن جاۋمايدى، كۇن اشىق بولادى. باتىستا جانە وڭتۇستىكتە كەي جەرلەردە شاڭدى داۋىل كۇشەيەدى، رەسپۋبليكانىڭ باتىسى مەن شىعىسىندا بۇرشاق جاۋادى.

باتىس قازاقستان وبلىسىنىڭ كەي جەرلەرىندە بۇرشاق جاۋىپ، داۋىل تۇرادى. جەل ەكپىنى - 15-20 م/س.

شىعىس قازاقستان، قاراعاندى، الماتى، كۇندىز سولتۇستىك قازاقستان، قوستاناي وبلىستارىنىڭ كەي جەرلەرىندە جەل قارقىنى 15-20 م/س دەيىن كۇشەيەدى. كۇندىز شىعىس قازاقستان وبلىسىنىڭ كەي جەرلەرىندە بۇرشاق جاۋادى.

ماڭعىستاۋ وبلىسىنىڭ كەي جەرلەرىندە تۇمان تۇسەدى، كۇندىز جەل جىلدامدىعى سەكۋندىنا 15-20 مەترگە جەتەدى. كۇندىز الماتى، جامبىل، اقتوبە، اتىراۋ، قوستاناي، ماڭعىستاۋ وبلىستارىنىڭ باسىم بولىگىندە، قاراعاندى وبلىسىنىڭ وڭتۇستىگىندە قاتتى ىستىق ساقتالادى.

اقمولا، سولتۇستىك قازاقستان، قىزىلوردا وبلىستارىنىڭ باسىم بولىگىندە، تۇركىستان وبلىسىنىڭ كەي جەرلەرىندە اپتاپ ىستىق بولادى. قىزىلوردا، تۇركىستان، ماڭعىستاۋ، جامبىل وبلىستارىنىڭ باسىم بولىگىندە، الماتى، اتىراۋ، باتىس قازاقستان، اقتوبە، قوستاناي، قاراعاندى، اقمولا وبلىستارىنىڭ كەي جەرلەرىندە، شىعىس قازاقستان وبلىسىنىڭ وڭتۇستىگىندە توتەنشە ءورت قاۋپى ساقتالادى.